جزاكم الله خير على الردود...بس والله ما لقيت احد ولا فيه طريقه للاسف الواحد يدور !!
في امريكا حطي اعلانك في اي قائمة بريدية ولا فورم وتجيك الردود ...بس هنا ما فيه تفعيل لدور النت مثل العالم !! ( يعني ما جت على النت ) :)

لو احد يعرف احد مثلا يشتغل في التخصصي....يصير فيه زوجات موظفينهم ودهم يشتغلون شي ممكن يحط لنا اعلان هنا ولا هنا ...

تدرون بنات...اذا عيالنا من سن بعض...ليش ما نخليه مثل (كلاس) وتجي لهم لو يوم في الاسبوع منها هم يمارسون مع بعض والفلوس تتوزع بينا ...لانهم ترا غالين ما يلعبون !!
انا عندي بنتين 5 و4 سنوات وولد 3 سنوات...تونا راجعين من امريكا يتكلمون انجليزي وهالحين تعلموا عربي شوي وممشين حالهم

انا على فكرة في الرياض ( شمال)

مره شفت بلوحه الاعلانات اللي بساكو وحده حاطها رقمها تقول انها امريكيه مسلمه تعلم الانجليزي في البيت بس للاسف مااخذت رقمها

والله امريكيه ماعندي
كان جنبنا معهد فيه امريكيه بس سكر اذا عرفت اجيب رقمه ان شاء الله اعلمك


عندي فلسطينيه دارسه بمصر ..
درستني ومرره عرفت اقرى واكتب ولله الحمد منها
اذا تبين يعني ..


بصراحه جربتها وجربت امريكيه ..

ماحسيت فيه فرق ..

يعني هذا من تجربتي انا ..

فكرتك حلوة يا منولا انا كمان في الشمال في المحمدية قريب من التخصصي واولادي يتكلموا انجليزي لان عندي خادمة فلبينية تتكلم معاهم انجليزيتها ما اقولك ممتازة وانما جيدة بس الاولاد ناقصهم انهم يختلطوا باطفال مثلهم يتكلموا انجليزي عشان يكون هناك تفاعل اكثر
فاذااطفالك يتكلموا انجليزي ويستخدموها مع الاطفال الثانيين فممتاز اما اذا اتكلموا عربي فاطفالي راح يتكلموا عربي وما استفدنا شيء اطفالي بعمر 6 سنوات و5 سنوات
وتدري فيه وحدة افريقية كانت تعمل عندي تتكلم انجليزي وفيه اثنين اطفال من قرايبها في مدرسة عالمية ويتحدثون الانجليزية لو نعزمهم كمان بس ما ادري موجودين او لا

تدري لو فيه خادمة تكون اصلا متخرجة من قسم لغة انجليزية وطموحة وتصلح تعلم الاطفال ونتقاسم اجرتها وتجينا البيت مرة عندنا مرة عندكم فشيء حلو
ايش رايك ؟

وعلى فكرة

بالنسبة للقراءة والكتابة فيه موقع ستار فل ممتاز جدا وممتع اطفالي اتعلموا منه كثير من الكلمات السهلة مثل cat
rat
hat
bat
mat

hen
ben
men
ten

وهكذا بمنتهى التشويق والموقع حائز على جوائز عالمية

جزاكم الله خير يا بنات وحده وحده ( عجزانة اكتب اساميكم) :) ربي يخليكم ويجزاكم كل خير
والله انا افضل اجنبية عشان اللكنة تكون مزبوطه وعيالي صغار يعني بيتأثرون بلهجة المدرسة كثير
بس ما يمنع اشوف اذا عربية شاطرة ممكن
نجدية الله يخليك ارسلي لي رقم العربية ولا الامريكية لو لقيتي لها رقم

اختى shahr
انا ساكنة في سكن جامعة الملك سعود يعني قريب منك...ممكن اذا لقينا مدرسة كويسة نتفق ونخلي الاولاد يجتمعون مره عندي ومره عندك اوفي النادي عندنا في السكن اذا مسموح ( احتاج اسأل اذا ممكن)
ان شاء الله نلقي مدرسة ....