معلمة تخطب لحماها شوفو النهاية

كانت فيه معلمة تسولف بالدوام وتقول صراحة إن زوجة حماي(الحمى اخو الزوج) حيل طيبة وعلى نياتها وماتشوف غير بيتها وزوجها وطلباتها احس انها مو مهتمة بحماي كرجل (يعني ماتكشخ له وتسوي له جو) لدرجة طيبتها مرات اقول يلا ياحمارة قومي سوي شاي وقهوة(على اساس مزح) وبنت الحلال هذيك تسوي(حاطة في بالها انها مثل اختها والمعلمة تستهزىء فيها شوفو الحريم وخبثهم شافت معاها معلمة ثانية مو متزوجة وقالت لها اشرايك ازوجك حماي وهذيك قالت على ايديك زوجيني وانا موافقة
راحت تمدح في المعلمة هذي قدام حماها (طبعا الزوجة الضعيفة ماتدري عن شي) لحد ما حست انه اهتم وخاصة قالت له انت تحتاج زوجه تهتم وتدلعك و.الخ الخ)
المهم قالت له اشرايك تتزوجها صدقني راح تهتم فيك
الاخ وافق وفعلا راح مع اخوه (زوج المعلمة الخبيييييثة) وخطبوا طبعا الزوجة ماتدري عن شي وحددوا موعد الملكة
بيوم الملكة كشخ العريس المفترض وزوجته تبخره وتعطرة(ماتدري عن شي) راح الاخ سال زوجته شرايك فيني يام فلان
قالت ماشاء الله كانك معرس
قال لها واذا قلت لك اني فعلا معرس واليوم عرسي

: قالت له
..................

(يجيني خبر عرسك ولا يجيني خبر موتك)


الرجال انصدم من الرد وتاثر حيييييييييييييييل فيه وعرف ان محد يسوى ظفرها اللي ترضى له بكل شي من حبها له
(ماشاء الله على ردها)

نزل لاخوه وقال له انا هونت مراح اتزوج
عصب اخوه قال لاتفشلنا مع الناس عطيناهم كلمة قال له مالي شغل مراح اتزوج على مرتي وماهموني الناس

راح الاخو وقال خلاص انا املك عليها بس مانحرج انفسنا عقب ماوعدناهم قال كيفك مالي شغل

راح الاخو (زوج المعلمة) وملك عليها

وقالو ترى خلاص ملكنا الزوجة الخبيثه استانست مادرت انه زوجها قالو خلاص ملكنا
وثاني يوم جابت الحلى والقهوة عشان صديقتها المعلمة على بالها تملكت على حماها
سألوها شنو المناسبة قالت فلانه ملك عليها حماي ردت المعلمة لا والله مو حماك زوجك اللي ملك علي خذيت زوجك
وصارت مذبحه في المدرسة


تستاهل من حفر حفرة لأخيه وقع فيها