معلمة رياضيات واريد اكتب الاسئله بالكمبيوتر ارجوكم ساعدوني

وعليكم السلام ورحمة الله وبركاته

عزيزتي انتي اكيد راح تكتبين الاسئلة ببرنامج الوورد

طريقة كتابة الاسس :
مثلا العدد 4 اس 7
اكتبي 74 ثم ظللي العدد 7 اللي هو الاس
بعدين روحي لقائمة تنسيق >> اختاري خط >> راح تفتح لك مربع موجود فيها تنسيقات الخط
تجدين بالاسفل تأثيرات (ضعي علامة صح امام كلمة مرتفع) >> ثم موافق
راح تلاحظين ان العدد 7 صار فوق العدد 4 وحجمة اصغر



اما بالنسبة للرموز الرياضية:
من قائمة ادراج >> اختاري رمز
راح يفتح لك مربع مليان رموز ابحثي عن الرمز اللي تبينه ثم اضغطي على ادراج
بتلاحظين انه وضع لك الرمز على الصفحة بعد كذا اضغطي اغلاق

( ø ) << هذا رمز الفاي نسخته لك من الوورد
( Є ) << هذا رمز ينتمي أو هذا Э
تقدرين تنسخينهم من هنا وتلصقينهم بالوورد اذا ماعندك وقت تبحثين بالرموز


اتممممممممممنى انك فهمتي علي واي سؤال انا بالخدمة

جزاك الله كل خير ا وسدد خطاك وجعل الجنة مثواك اااااامين يارب العالمين

على الرابط هذا برنامج لاضافة رموز الرياضيات لبرنامج الوورد
http://forum.hawaaworld.com/showthread.php?p=10765265#post10765265

وبالتوفيق انشاء الله