معلمة وتعبت

السلام عليكم

هذي ماهي مشكلة بقدر ماهي فضفضة ولا غني لي عن مساعدتكم

كنت اعيش في المدينة وعشت فيها عمري كله

تعودت الكل في حاله ولا له شغل في الثاني

وبعدين نقلت لقرية لظروف خارجة عن ارادتي.. ثم تعينت استاذة في الجامعة في منطقة قريبة

ولكن اداوم من القرية

تعبت من اهل القرية.. تعبت من كلامهم.. تعبت من نظرتهم لي

بالنسبة لهم انا مسكينة لاني غير متزوجة... يظنون اننا اقل منهم لاننا بيت كله بنات غير متزوجات

والكارثة العظمى بدأوا ينشرون اشاعة بأني احب واحد ولذلك ارفض فكرة الزواج

وانا ارفضها لاني مو مستعدة ولاني مالقيت الشخص المناسب

لما اجتمع معهم يلفون ويدورون حول الموضوع نفسه يحاولوني يلبسوني قصة هم الفوها علي

اذا ذهبت الى المسجد لاصلي التروايح انهالوا علي العجائز بدعوات لا تخرج عن اطار "الله يزوجك"

كل همهم البنت تعرس

مساكين اجل ايش بيسوون لاسمعوا اني سافرت للخارج لمواصلة الدراسة

قررت اني معد اجتمع فيهم واختلي بنفسي وحتى التراويح افكر اصلي في البيت

احيانا اقول بما اني توظفت ليش اعيش في القرية لايه ما اخذلي بيت في المدينة خصوصا اني اداوم في المدينة

لكن البيوت غالية ولا ابغى آخذ قرض واسكن في بيت مع اهلي ثم اطلع منه اذا تزوجت

** وفكرة القرض ما تناسبني لاني احب اكرس سنوات عمري لاولادي مستقبلا يعني (اجازة امومة) وهذي اجازة بربع راتب ما يغطي قرض

اذا اخذت قرض كأني حكمت على نفسي اني ما اربي اولادي بنفسي

افكر اني اخلي واحد من اخواني يستأجر لي بيت من دور واحد واقول لابوي اني اشتريته عشان لا يجبرني ارجع للقرية... لكنها كذبة مصيرها تنكشف

فكروا معي في طرق اخرج من هذي البيئة

وشكرا