معلمتي ؟

أنا طالبة في الثانوية , وأحب معلمة الحاسب عشانها طيبة وكمان عشاني أحب مادتها , ويمكن هي ما تعرف اني احبها , هي انسانة هادئة وبسيطة وطيبة لأبعد الحدود , وما أعرف كيف أخليها تعرف أني أحبها وكيف أكسب اهتمامها , أحس بأنها تحبني , ماني متأكدة بس هي احيانا تمر من عندي ولا كأنها تعرفني , أنا متأكدة مية بالمية أنها ما تكرهني , دايما تبتسم لي لما تشوفني , دائما أختلق الصدف عشان أشوفها , أحبها من بداية هذا الفصل الدراسي لما بدأت بتدريسنا مادة الحاسب , أنا أحب مادة الحاسب من وقت طويل بس هي حببتني به أكثر , صرت أحيانا أحزن ما جت للمدرسة , و أحيانا أحس بالغيرة الخفيفة لما أشوفها فاعدة مع بنات تسولف معهم , صرت أحب المشاركة في حصتها , دايماً أتخيل بعض المواقف معها , كنت لما أعمل في مشروع معها وانتهيت من مشروعي تفرح وتحضنني وكنت أفرح بقوة عندما تحضنني, وبعد في مرة كنت غايبة عن المدرسة أسبوع كامل ولما رجعت إلى المدرسة رحت لها عشان اسألها عن مشروع , فسلمت علي وحضنتني وقالت انها اشتاقت لي, ومافي أي معلمة سوت كذا لي , ما اعرف كيف أعلمها بأني أحبها , أبغا أجلس معها وقت أطول وأتكلم معها وأحكي لها , دايما أتمنى أنها تصير صديقتي ومو معلمتي وبس! ,لانه بصراحة م عندي صديقات واجد وكمان ما احبهم واجد!
هل هذا شيء عادي؟ , وايش اسوي عشان اكسب اهتمامها وحبها , وكيف أعرف أنها تحبني ؟