ياحيااااتي انتي شكلك باقي تدرسي من جدحركاتها مالها داعي بس المهم نجحتي ولاعاد تفكري في الماضي السيئ ابدا لانو سبب في كثيررر من الاحزان  ويمكن كانت تبي تبين لك انها ساعدتك بس ماعندها اسلوب او هي من النوع الي ماتحب تنزل نفسها لطالبه فهمتيني  وكمل حياااتك وانسي النسيان جميلل والاتي اجمل 

يا كثر المواقف بس عدي واغلطي بس كل ما أتذكر أقول الله لا يسامحها ولا يبارك لها صحيح مرت سنين على المواقف بس مازالت بالقلب تجرح
أنا في الابتدائي كنت شاطرة مرررة وتحديدا بالصف الثالث كانت تدرسنا معلمة اسمها رقية العيد واختها جهير تدرس صف رابع وكلهم مريضات ويتفننون بتعذيب الطالبات نفسيا وجسديا أنا درستني رقية من كثر خوفي منها اذا جت تسمع لي قران ارتل بصوت يرجف مع اني اكون حافظة بس كله خوف منها
ومرة كنت مريضة واستفرغت هاوشتني وقالت لي حومتي كبدي الله يقرفك وكلمت الفراشة تنظف وهي مستقرفة من طفلة مالها ذنب
وعقابها يابنات لو أقول لكم كيف ماتصدقون
كانت اذا عاقبت بنت تجيب المصاصة " اللهاية"حقت الاطفال وتخلي البنت تمصها قدام البنات ويضحكون عليها والبنت تحطها بفمها ودموعها على خدودها
واذا عصبت من بنت تخلي بنتين يفسخوها جزمتها ويربطون رجليها وتضربهم فلكة وتتقرف من ريحة شرابهم وقت الفلكة وتحط منديل على خشمها وتضرب
واحيانا تستقرف من بعض البنات والله ما تكلمهم الا وحاطة منديل على خشمها متكبرة متغطرسة الله فوقها على فكرة كل أنواع العقاب ما جربتها عندها ولكن هذا اللي شفته على بعض البنات عندي بالفصل
وجهير أختها درستني كم حصة رياضيات وكانت فيه بنت يتيمة كسلانه وضربتها بالفرجار على ظهرها ضربة قوية مرررة لدرجة البنت نفر الدمع من عيونها والله الدمعة نطت من قوتها على الماصة


أذكر وأنا بالصف السادس ابتدائي وعندنا حصة قرآن وكتبت معاني الكلمات على اول صفحة بالمصحف ولما شافتني المعلمة أنا وزميلتي اعطتنا كف والله خدنا ووورم لدرجة احس نبض بخدي من قوة الالم اوكي غلطنا لما كتبنا عالمصحف بس المفروووض توجهنا وتعلمنا الصح الضرب مو اسلوب


والموقف الثالث بأول متوسط والله ناسية اسم المعلمة والا كنت فضحت بها هنا هي معلمة تاريخ قبل ماتبدأ الدرس كانت تسأل عن الدرس السابق المهم سألتني انا ما عرفت أجاوب وقفتنا أنا وبعض البنات طول الحصة وخلت كل وحدة من البنات تكتب الدرس خمس مراااات والدرس عبارة عن عشر صفحات تقريبا الا أنا خلتني أكتبه عشرين مررررة شوفوا الظلم كيف؟
حتى لما جاء الدرس اللي بعده بعض البنات راحميني وكتبوا الدرس عدة مرات وساعدوني واعطوني الورق قبل ماتجي المعلمة حسبي الله عليها

موقف هذا اثربك اجل لو اقول مواقفي وش تقلن والله تعذبت عذاب. الله يعلم به. وصح ولسى قاعده ادفع الثمن.  بس بااقول لك معلمه  بقولها الضارب ينسى بس المضروب مابينسى. انتن تهزيئكن كله نسيتنه بس انا مانسيته ضحكن تمسخرهن. 

الله يهديها المفروض ماتحطم فرحتك
مفروض المعلمه مهما شافت من الطالبه
ماتكسر فرحتها

شوفي ردود البنات وبتعرفين مو بس انتي وحدك اغلبنا تعرضنا لمواقف اصعب من موقفك بعد وعاد تعرفين وش الاصعب من كل هالمواقف لما يضيع مستقبلك الدراسي بسبب مدرسه معينه اقل مايقال عنها تافهاوهذا الي حصلي للاسف صحيح كبرت ومرت سنين على الي صار بس اذا تذكرت يوجعني قلبي وابكي مرات من القهر وان شاءلله الي في بالي يعجل ربي عقابها بالدنيا قبل الاخره الله لايسمحها وحسبنا الله ونعم الوكيل