معلمت بنتي وكلامها

الأسرة والمجتمع

السلام عليكم
بنات حابه استشيركم
انا جبت لبنتي مدرسه في البيت وهي جارتي المهم اول ماجات كلمتها على الراتب قالتلي الي ح تجيبيه انا راضيه فيه حاولت فيها تقولي كم تبغا مارضيت وكانت مررره متحمسه لدراسه مع بنتي قلت طيب المهم كملت شهر وجيت بحاسبه وقبلها سالتها تاني قلتلها كم تبغي عشان احاسبك واحاول فيها وهي نفس كلامها ماتبغا تقول تمام حاسبتها بعد ماشافت الفلوس قامت ترسلي على الواتس انتي ظلمتيني وانا تعبانه مع بنتك وانتي تتحايلي عليا وكلام من دا انا فقد اعصابي قلت انا كلمتك كم مررره على الراتب وانتي تقولي اعطيني اي شي وانا راضيه باي شي راح تعطيني قامت تقولي انتي ماتشوفي الاسعار انا ماابغا اصدمك واقولك الاسعار برا كيف بس خلاص لا اظلمك ولا تظلميني انا ح اروح اشوف لي ناس يعطوني على قد احتياجي
رديت عليها قلتلها شوفي كم تبغي واحاسبك وخلاص ينتهي الكلام
ردت خلاص انا ماراح اخذ شي زياده منك وانتي شوفي احد تاني يدرس بنتك وانا اشوف لي ناس غيرك ونفضل جيران واخوات
ايش رايكم اقول لزوجي اعطيها قالي خلاص مادام هي كذا لاتعطيها شي ولا عاد تطلع
29
6K

يلزم عليك تسجيل الدخول أولًا لكتابة تعليق.

تسجيل دخول

زهرة بنان
زهرة بنان
لو انتي عارفة المدرسات برا كم يأخذوا المفروض تعطيها مثله
طبعا هي واضح قصدها انها راضية بأي شي معقول وما حبت تفرض عليك او تلزمك بمبلغ معين
روح حرة*
روح حرة*
انت كم اعطيتيها ؟

لان يمكن من جد بخستي حقها
لكن لو اعطيتيها في حدود المعقول خلاص

وطالما هي رفضت من نفسها تحدد المبلغ فما لها حق تزعل

ونصيحة .. في اي تعامل مالي ابعدي عن الصديقات والجارات والمعارف بشكل عام

شوفي وحدة ما تعرفيها ولا تعرفك تخدمك وتاخذ حقها المتفق عليه
ورود ملوونه
ورود ملوونه
ماتبغى تدرس بنتك واضح دورت لها عذر اكيد كانت مستحيه منك لما طلبتيها
تمارا انا
تمارا انا
عشان كدا مفروض ماتدخل بيتك الا ونتي متفقه معاها
رائحة الوروود
رائحة الوروود
الغلط على جارتك ماحددت السعر . المفروض انها حددت لك السعر وبعضهم الساعة 50 وبعضهم 100