يا اختي انا معلمة واعرف البنات كل دقيقة حمام حمام بس تقليد واذا طفشت من الفصل صدقيني في الحصة تبيه اكثر من مرة والله لو عندها سلس بول ما تطلب كل حصة المعلمة تعرف البنت من شكلها انها فعلا تبي الحمام لا تخافين وبعدين المعلمة تمنع البنت اذا توها جاية وتطلب مرة ثانية واول ما تدخل المعلمة الثانية على طول يستلمونها حمام حمام لكن فيه بنات مؤدبات وخجولات ما تطلب الا اذا محتاجة هذي اطلعها من تأشر على طول
وفيه بنات كثير يطلبون الحمام صدقيني اطلع وراهم والله ما تدخل الحمام تأخذ دورة على الفصول او ترجع او توقف عند باب الحمام تسولف مع كم وحدة مثلها او ترجع والمصيبة خمس دقائق او تطلب فعلا المعلمة اعرف ببناتها لا تنسين بعض الناس علميا يستحيل تنضبط في مكان ما يحبون القيود يميلون للحركة او عندهم طاقة وحركة زايدة الطالبة ما لها حيل الا طلب الحمام

بعدين لو كل طالبة راحت الصباح في البيت للحمام ما تحتاجه في المدرسة الا بعد الفسحة اذا شربت ماء كثير وعصير ممكن تصدقين !!البنت ممكن يمغصها بطنها مرة وحدة في الاسبوع اما كذا كذابة
عزيزتي : الطالبة في الابتدائي تبقى في المدرسة خمس ساعات تطلب الحمام في الحصة مرتين واكثر احسبي كم مرة تبي تروح ؟ وكم تقعد في البيت من ساعة ما تروح الا مرة او مرتين با لطقاق تروح قبل النوم ويمكن ما تروح الا بكرة في المدرسة هذا مشكلتنا دائما المسؤلية والخطأ على المعلمة وين دور الأم بتوعية بنتها متى تطلب الحمام واسأليها البنات كم مرة يروحون في اليوم من مرة وتشوفون كيف صبر المعلمة وتحملها لطالباتها والله المستعان

لا تعليق

دخلي بنتك مدرسة اهلية كان تبينها على كيفها
المعلمة وظيفتها تدرس بس مب تصالي بنتك
ولعلمك مطلوب منها تعطي درسها وتمشي بنتك فهمت مافهمت طقاق يطقها
اذا قمتم انتم بواجبكم ودرستوا بناتكم بالبيوت ونظفتوهم قبل يجون المدارس وربيتوهم تعالي تكلمي عن الواجب المطلوب من المعلمة
يجونا علل على القلب لا نظافة لا ترتيب لا ادب لاتدريس امهاتهم مايدرون عنهم وحاطين الحمل كله ع المعلمات
والبنت هذي تلقينها مستاذنة بالحصة خمسين مرة والمعلمة ابخص فيها وعارفة وش وراها ولو صار شيء او سوت شيء هي الل بتتحمل المسؤولية مهب انتي ومنتب نافعتها
يمكنها تروح تلعب ولا تسوي شيء مع بنات ثانيات بالحمامات ولا تحوس بالموية وتوصخ نفسها وترترش على زميلاتها ولا ولا ولا
امك تتلقف ليه
بناتكم يروحون الحمامات يسوون بلاوي زرق مع بنات ثانيات قضايا سوداء تجينا ولا تقولين بنات صغار
في الروضة ويتحرشون ببعض مب عاد المراحل الاعلى
او يهربون من الحصص ويدورون تحت بالساحة ويصادف ان الحارس فاتح الباب يدخل غرض او يطلع غرض وتنحاش البنت برا او تطلع للبقالة تشتري وهذي صارت لوحدة اعرفها ودخلت بسين وجيم وحملوها مسؤولية اخراج الطالبة
او يروحون المقصف يشترون هذا غير انهم ماخذينها لعبة ويقاطعون المعلمة بشرحها وتدريسها كل شوي حمام حمام
واذا ماطلعتهم المدرسة الحمام جاها زي هالكلام اللي انتي كاتبته
المدرسة ابخص هي موجودة بالمدرسة وتعرف سيرة كل طالبة ووش عندها ووش ماعندها وتعرف ظروفها الاسرية وخلفيتها الثقافية وتربيتها ولها تواصل مع المرشدة بالمدرسة
يعني لا تتدخلين في اللي مايعنيك المعلمة ماتصرفت الا لسبب معين هي عارفته ليش الحمام بفلوس ولا بفلوس عشان تمنعها نجاسة
وعلى فكرة ترى المعلمة تاخذ راتبها من الدولة مهب منك اوكي , فلا تقولين اذا ماعجبها تترك الوظيفة
واللي تقول الطلاب برا والتدريس برا
ياحبيبتي انتي تحسبين بزارين برا زي اللي هنا
ياشيخة البزارين اللي هنا حنا نخاف منهم
لكاعة وقلة ادب وقلة ذوق ومصايب زرق
مايتقارنون بالاطفال برا
تهذيب وتربية وحسن تعامل
ولعلمك ترى المدرسة ام قبل ماتكون مدرسة ولها بنات في كل المراحل
عموما اذا ماعجبك النظام في راسك شيء دخلي بنتك اهلية ومشيهم على نظامك
او روحي وقعي على ورقة عند المديرة انك تتحملين مسؤولية خروج بنتك للحمام
يعني لو طلعت ورحت تدور ع الفصول وتلعب وفاتها الدرس او طاحتلها تحرشات بالحمام او طلعت برا المدرسة
انتي اللي تتحملين المسؤولية مب المدرسة اللي سمحتلها بالخروج
صدقيني وقتها المدرسة بتتشقق من الوناسة وبتطلعها لك كل دقيقة
لانها تبي الفكة من الطالبات

^^^^^
جيتكم ضاميه الاخت متحمسه ههههههههههههههه الموضوع قديم الله يجزاتس خير هالحين تلقين البنت بخامس

الاحظ دايم فيه تحامل على المعلمات

انا اوقات اعطي سنه اولى وبحكم تخصصي الحمد لله ما اخذهم اكثر من حصتين باليوم

بس والله عليهم حركات تجيب الصداع

فعلا زي ماقالو الاخوات اللي قبلي اذا طلعت طالبه لازم الكل يطلع واذا تكلمت طالبه لازم الكل يتكلم !!
هذا غير الشقاوه وانها تسير على صاحباتها بالفصل بدون استئذان 

ترى المعلمه انسانه زيها زيك تمل تتعب تعصب تزعل يجيها ظروف مو بس انتي 

فاحسنو الظن يمكن اللي صار كان بلحظه زعل توتر تعب ماتدري وش اللي صار للمعلمه من الصباح مع ذي الطالبه واكيد ماراح تسوي كذا الا عندها سبب مقنع

وفوق ذا كله الاداره دائما تحاول تختار معلمات حنونات وطويلات بال للصفوف الدنيا فلا تشيلي هم حبيبتي