السلام عليكم ورحمة الله
بدخل دغري بالموضوع انا بصراحه اخر سنه لي بالجامعه وتخصصي توهم فتحوه بمنطقتنا يعني انا من طالبات اول دفعه في هالتخصص الجديد .
الزبده انا مررررا شايله هم التعيين لانوو كان عندي امل كبير انو اتعين بعد التخرج على طول يعني بالكثير سنتين او ثلاث لاني من اول دفعه ومنطقتنا محتاجه لمعلمات من هالتخصص ، بس تحطمت لما قالولي ان التعيين على مستوى المملكه بالكامل يعني في الاف المعلمات قبلي بنفس تخصصي صارلهم سنوات ينتظرون التعيين ( بالمملكه عامةً ) ،
انا لحد الحين ماعندي اي فكره عن جداره وشروط التعيين بالوزاره وغيره وغيره اطلاقاا .
وانصدمت اكثر لما قريت بالنت بمواضيع الخريجين والخريجات اكتشفت انو في كثييييير معدلاتهم مره مرتفعه ولحد الحين هم وراا ، و في كثير ناس منتظرين من سنوات طويله و لهم الاحقيه بالتعيين وخاصه اني اكتشفت انه في ارقاااام ونقااااط 💔 تجي خريجه من اربع او خمس سنوات ومعدلها فوق الاربعه ورقمها ( ٥٠٠٠ ) سسلامات !!!
اجل انا وش بصير الرقم ٨٠٠٠ ؟ وربي من كل قلبي اتمني اني فاهمه غلط .
فـ ياليت اي معلمه او اي وحده عندها خلفيه عن جداره والتعيين تعلمني وابي اعرف وش سالفة الارقام والنقاط !
وللي عنده خبره وفاهم بهالاشياء : انا بتخرج باذن الله ومعدلي 4،30 تقريبا وحنا اول دفعه بتخصصي اللي توه فتح هل راح يتاخر تعييني معلمه ولا قرييب ؟؟ يعني بتوقعاتكم اقصى شي كم بنتظر سنه سنتين اكثر اقل !!
الله يخليكم يامعلمات و خريجات طمنوني الله يطمنكك والله دايم شاغل بالي هالموضوع ومو عارفه اسال من ، لان جماعتنا مافيها معلمات وانا اول وحده من عايلتنا اتخرج من الكليه وكنت كلي امل وان شاء الله ماتقصرون اعتبروني اختكم الصغيره وتبي من خواتها يفهمونها ❤
ربي يسسسعدكم !
اللهم لك الحمد كما ينبغي لجلال وجهك وعظيم سلطانك❤
يارا 1412 @yara_1412
عضوة جديدة
يلزم عليك تسجيل الدخول أولًا لكتابة تعليق.
ايوه حبيبتي التعيين على مستوى المملكه يعني اذا تخصصك موجود ومو جديدالا في منطقتكم فمعناته راح تتفاضلي مع خربجات المناطق الثانية على التعيين .. يعني مو كل خريجة تتعين بمنطقتها او لها اولوية بمنطقتها
بالاضافه الى ان التعيين مايوقف على معدلك فقط
لا في نقاط تجمعيها ويؤسفني اقولك كل مازادت سنين عطالتك زادت نقاطك
اوضح لك اكثر الحين عشان تتوظفين لازم تكون نقاطك مرتفعه
واللي يرفع النقاط معدل + اختبار قياس+ أقدمية
يعني المعدل يشكل 40% من نقاطك
واجتيازك لقياس40% من نقاطك
العشرين نقطة الباقية تتوزع على سنين عطالتك يعني
كل سنة بنقطتين لحد عشر سنوات بواقع 20 نقطه
هذي وزارتنا الرشيدة وسياستها الخايسه في التعيين
لابارك الله فيها ولا في اللي يحط قواانينها
عموما هالكلام لايحطمك ابدا تخرجي بمعدل عالي واختبري قياس واجتازيه بدرجه عاليه كذا تكوني كسبتي 80% من فرصة التعيين
الاقدمية صح ترفع النقاط بس مو زي المعدل والقياس
الله يوفقك ويوفقني وكل من قال آمين بالوظايف اللي نتمناها
ودعواتك لي اذا افادتك مشاركتي
بالاضافه الى ان التعيين مايوقف على معدلك فقط
لا في نقاط تجمعيها ويؤسفني اقولك كل مازادت سنين عطالتك زادت نقاطك
اوضح لك اكثر الحين عشان تتوظفين لازم تكون نقاطك مرتفعه
واللي يرفع النقاط معدل + اختبار قياس+ أقدمية
يعني المعدل يشكل 40% من نقاطك
واجتيازك لقياس40% من نقاطك
العشرين نقطة الباقية تتوزع على سنين عطالتك يعني
كل سنة بنقطتين لحد عشر سنوات بواقع 20 نقطه
هذي وزارتنا الرشيدة وسياستها الخايسه في التعيين
لابارك الله فيها ولا في اللي يحط قواانينها
عموما هالكلام لايحطمك ابدا تخرجي بمعدل عالي واختبري قياس واجتازيه بدرجه عاليه كذا تكوني كسبتي 80% من فرصة التعيين
الاقدمية صح ترفع النقاط بس مو زي المعدل والقياس
الله يوفقك ويوفقني وكل من قال آمين بالوظايف اللي نتمناها
ودعواتك لي اذا افادتك مشاركتي
الله يعطيني ويعطيك الرزق ليس بيدلبشركل شئ من عندربنا فلاتضيق نفسك وتكثري التفكير أنامثلك بأول تضيقته ورجعت تقريب انسى التعين حتى اسمع حديسألني متعينتي اكره هسئال يضيق صدري
الصفحة الأخيرة
فيه وحده قريت لها تقول كانت تتصدق(كفالة يتيم) لمن كانت تدرس جامعه ربي وفقها ورزقها تخرجت من هنا وتعينت ع طول الله يوفقها
هدا اللي عندي:) الله يوفقك ويرزقك