صديقتي معلمه ولها خبره بالتدريس طلبت مني انشر هالمشاركه منها تبين معاناة معلمات هالوقت مع الطالبات :
بعض الناس مالهم شغله الا ترصد حركات وسكنات وكلام وافعال المعلمه!!
ليش المعلمه ضحكت لبنتي؟؟وش تقصد بالضحكه؟
ليش المعلمه تعاقب بنتي؟
ليش المعلمه تفشل بنتي؟
ليش المعلمه باست بنتي ؟
ليش وليش ؟؟؟؟؟
إن ضحكنا لبناتهم وتعاملنا برفق ولين قالوا :مانبيها ضعيفة شخصية وماتعرف للطالبات .
وإن تعاملنا بشدة وحزم قالوا: روعت بناتنا وخوفتهن وشكوها للاشراف على طوووول
إن هاشت بنتهم ليش ماحلت الواجب قوموا الدنيا وماقعدوها.. وان تركتهم بدون عقاب قالوا: متسيبه
إن شجعت البنت وعطتها هدايا لتفوقها وتميزها ومدحتها وميزتها قالوا: الله يستر ليش تسوي كذا؟؟اكيد وراها اعجاب والا شذوذ!!
وان تركتهم بدون هدايا قالوا: بخيله ومقتره وماتطلع الريال الابحسره
إن خلتها عريفة فصل قالوا: سببت كراهية بين بنتي وزميلاتها وحقد وحساسية
وان خلتها طالبة نظام للطابور او للفصل قالوا: بنتنا مو شغاله
وان طلعتها بالاذاعه تقرأ والا تنشد قالوا: الله لايبارك فيها بنتنا بيجيها عين من البنات
وان غابت ولاسألت عنها قالوا: ماعندها اهتمام ولاذمة ولاامانه
وان غابت وسألت عنها قالوا: ليش الشرافه؟؟مالك دخل ..مالك الا المنهج وبس .. تغيب متى ماتبغى وتجي متى ماتبغى
ان تأخرت الطالبة اثناء المناوبة واتصلت على اهلها: قالوا وش عجله عليه متى ماحصل لنا جينا ..مالك حق تستعجليننا
وان تأخرت الطالبة ومااتصلت قالوا: ماعندها اهتمام ولاسنع ومهمله وليش مااتصلت تعلمنا بتأخرها!!
ان ارسلت اشعار بضعف بنتهم بمادة من المواد حطوا اللوم كله على المعلمه وانها ماتعرف تشرح وان بنتهم مامثلها ومايجي منها قصور
وغيره وغيره وغيره
لذلك انا اقترح اقتراح على وزارة التربيه والتعليم ..اقتراح جدا مهم ومريح للمعلمه بتعاملها مع الطالبة واهل الطالبه ..
انه اول كل سنة دراسيه يوزعون استبيان على الطالبات يكون كالتالي:
هل ترضين ان المعلمة تبتسم لبنتك؟ اوافق( ) لااوفق( )
هل ترضين ان المعلمه تمدح بنتك وتشجعها اوافق ( ) لااوافق ( )
هل ترضين ان المعلمه تكرمها وتعطيها هدايا
هل ترضين ان المعلمه تشد على بنتك وتقسو عليها اذا كانت ضعيفة او مهمله
هل ترضين ان المعلمه ترفع صوتها بالفصل والا بنتك تخاف من الصوت العالي
هل ترضين ان المعلمه تخلي بنت عريفة او رئيسة او طالبة نظام
هل ترضين ان المعلمة تخلي بنتك تشترك بالاذاعة المدرسية والحفلات؟
هل ترضين ان المعلمه تسأل عن بنتك اذا غابت؟
هل ترضين ان المعلمه تصحح الخطأ لبنتك اذا اخطأت والا تتركها على عماها؟
هل ترضين ان المعلمه تمر جنب بنتك بالفصل؟
هل ترضين ان المعلمه تسولف مع بنتك والا تخليها بحالها وماتتكلم معها الا بما يخص المنهج؟
هل ترضين ان المعلمة ترسل بناتك اذا احتاجت لاحضار شي من مكتبها؟
هل وهل وهل
بحيث تعرف المعلمة طريقة التعامل مع كل بنت حسب رغبة اهلها.. لان التعليم الحين اختلط فيه الحابل بالنابل .. والاهالي قاموا يشتكون ان احسنا او اسأنا.. ان اجتهدنا وان اخطأنا.. ووزارة التعليم مشكوره على طوول الخط بصف (الطالب)
يلزم عليك تسجيل الدخول أولًا لكتابة تعليق.
لااله الااللهلااله الاالله
لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
الصفحة الأخيرة
ما لنا غير نقول الله ياجرنا بس معاناتك مع الطالبة وأهلها مثل معاناتك مع اهل رجلك
ولا زالت المعاناة مستمررررررة
وربنا يستررررر