ويش الكلام هذا يا بنات مظلومه الاولى ..................ما انظلمت السيده عائشة وهي ام المؤمين
ها بالله عليكم عندك انه يتزوج بالحلال
ولا يقولون انه ماشي في درب الحرام والعياذ بالله
وانا عني شخصياً يتزوج ولا يروح بالحرام
وما فيها شيء ان تزوج صح انها تقهر الثانيه
وانها تولع القلب لكن ما هو لدرجة اني انصدم واخسر ربي واجري
اصبري يامسلمة وخافي ربك
ولاتقلدون اليهود
الدنيا يابنات زايله
واحنا هنا مجرد ضيوف في ها الدنيا لازم نعمل لبكره (حفرة القبر)
ونخاف الله ناس تموت وناس تجاهد
واحنا همنا لا يتزوج زوجي
الله يهدينا ويؤجر كل حرمة تزوج عليها زوجها
والوحده منا مفروض تصبر
وينا عن الصحبيات كان يموت ولد الوحده وتقول الحمد لله
وهو يموت ماهو قدام عينها من اهل الدنيا
وهو حشاشة الجوف ما هو عاد الزوج
اتمنى اني ما ضايقتكم في الموضوع هذا
وياليت انكم تفهمون ويش قصدي

لاحول ولاقوة الابالله

بسم الله
نعم عزيزتي 00ماانظلمت السيدة عائشه رضي الله عنها00
وهل الرجال هذه الايام مثل الرسول عليه الصلاة والسلام 0 وزواجه صلى الله عليه وسلم . ما كان لاغراض دنيويه .مثل بعض الرجال هذه الايام 00 كثرة الفلوس 00 اعرس ؟ كبر شوي 00قال برجع شبابي ؟ جابت له زوجته خمسه او سته او اكثر 0قال انشغلت عني ؟ تزوج موظفه 00قال ابي وحده في البيت ؟ تزوج وحده بعد الثانويه العامه ماقدرت تدخل الجامعه 00قال ابي متعلمه؟ تزوج نحيفه قال ابي العكس 00متنت (سمنت) قال اه منك( يادبى ) سمنتي 00ابي رشيقه ؟
هذه حقيقه ؟
مافي لانسبه ولاتناسب00 انك تقارنين بصفوة البشر عليه الصلاة والسلام
واختلاف الرأي عزيزتي لايفسد للود قضيه
وللموضوع بقيه

عفوا بس مداخلة بسيطة الرسول يوم تعدد في زوجاته ,,, كان الهدف من هذا كله ,,, انه يبين ان المرأة إذا تطلقت من زوجها تقدر تتزوج و الأرملة إذا مات زوجها بعد تقدر تتزوج .... وهذا الكلام انا سامعته من الداعيه عمرو خالد,,,, وبعدين اسمحي لي الرسول عليه افضل الصلاة والتسليم ,,, عمره ماخدع ولالف ودار ,,, تقارنين القصة بالرسووووووول ,,,, هذا اسمه خداع والله عندي اهون يجيني ويقول يافلانة ابي اتزوج ولاأنه انصدم فيه متزوج (( ليه هبلة وإلا مغفلة وساذجه يخدعني)) بالتصرف ذا يعتبر يهيني ,,, بزر يلف ويدور ويسوي الي يبي وانا ماادري؟؟؟؟

عمر الصدق وكلمة الحق ماتجرح ,,, لو جا وقال لها ابي اتزوج فلانة ,,, بتنصدم ايه لكن مو مثل صدمتها ذي الي حست نفسها مغفلة ..

وشكرا

السلام عليكم ورحمة الله اختي طاطا خليكي واقعية ولاتكونين مثالية وايد في شي انتي ما مريتي فيه صدقيني :26: كوني صريحة الوحده لما زوجها بس يبدي اعجابه بمذيعة او ممثلة تتضايق ويفور دمها وودها تغير الموضوع وين لما يتزوج عليها وبخيانة بعد ؟؟؟؟ يعني هو مب قاصره شي بس استغل ثقة ها المسكينة ! وبعدين تقولين ام المومنين انظلمت !!!!!!! ليش انطلمت ؟ مو هوحلال ؟ وبعدين اذا بترجعين للرسول صلى الله عليه وسلم لما علي حب يتزوج على فاطمة ما اذن له الرسول وقال له اتريد ان تحرق قلب بنت رسول الله؟؟؟؟؟؟ حبيبتي الشي هذا مب هين مثل ما تتوقعينه هذا فيه قسوة وظلم من الرجل خصوصا اذا كانت زوجته ما مقصره وما فيها عيب وقايمه بواجباتها شو ذنبها بعد يهيئها نفسيا ؟! خواتي الموضوع مب سهل كل وحده تنتبه على نفسها وما تكون اخر من يعلم :eek: اعرف وحده كانت عندها صديقة وايد ربع دايما عندهم في البيت تحبها وايد وتستشيرها في كل امور حياتها حتى الصلاة تصليها على سجادتها مرة قالت لها اخافج تزوجيني ريلج بعد؟؟؟؟ ومرت الايام وتزوجت ريل صديقتها!!!!!!!! اذكر وحده عجوز نصحتني قالت عمرج ما تمدحين وحده لزوجج :confused: الريال قَََلاااااااب!!!!!!!!!!!!! اختي طاطا ما فيه وحده مسلمة خايفة ربها ترضى زوجها يروح بالحرام ويخلي الحلال بس يكون فيه سبب وداعي مب نزوة وسلامتكم:26: :27: