الله يبارك فيكم جميعا
وأنا عكسك يابيتوتيه ما ني حاسه بحماس شايله هم تقولي طالبه اولى ابتدائي

وينكم يامعلمات

انا ودي انصح عاد فتحي اذنك زين

اول شي الطالبات لازم تكوني واثقه قدامهم وشخصيه قويه والا ترى مايحترموك وفي طالبات ملاقيف لاتعطيهم وجه

ولا تعصبين على كل صغيره وكبيره ترى بس يزيدون من حركاتهم اذا عصبتي

اذا انتي مرحه وفرفوشه بيصيرون يحبونك ويشيلون الكلافه بينك وبينهم

وبالنسبه للمديره تقربي منها والوكيله بعد اذا كانوا طيبات اما اذا كانت شريره فحاولي ماتتصادمين معها


وزميلاتك المعلمات حاولي تكون علاقتك فيهم حلوه بس بحذر لانك انت جديده فيه بعضهم تبغى تفرض شخصيتها عليك وتعطيك اوامر سوي كذا ولاتسوين كذا(( مسويه فيها فاهمه الدنيا )) لاتعطينها فرصه طبعا اسالي عن الانظمه ترى تغيرت عن زمان بس حاولي تسالين وحده طيبه حبوبه ويفضل نفس التخصص وبعد اقرائي ملف الماده تلاقيه في الاداره فيه كل مايخص مادتك

وفيه معلمات يغارون من بعض خصوصا لما تكون معلمه متميزه في شرحها ووسائل الايضاح او كشخه او حلوه او البنات يحبوها

وطبعا لازم تلاقين هالنوعيه اللي تضحك في وجهك ومن وراك تسبك ويمكن بعد تروح تنافق عند المديره والوكيله انها ماتشرح زين تطلع قبل نهاية الحصه والخ

انتبهي تروحي تقولي مشاكلك مع الاداره او مشاكلك مع البنات قدام المعلمات حليها بشكل سري مو لازم نشر الغسيل
ترى بعض المعلمات لها علاقات بالطالبات او قريباتها تروح تعلمهم وهم ينشروها بالمدرسه وتصيري حديث الساعه

واذا تذكرت شي برجع اكتبه

الله يسعدك يا ماتمنيتك بالفعل نصائحك حلوه الله يعين على الدنيا كل شيء فيها لازم بحذر راحت ايام العفويه
بس بغيت اسال عن ملف المادة اطلبه من مين ويحتوي على أيش
والأنظمه الجديده كيف أعرفها وهل يوجد موقع موجوده عليه اقدر اقرأها وجزاك الله كل خير

الف مبروك والله يوفقك يارب