السلام عليكم ورحمة الله وبركاته ...
انا ولله الحمد تم تعييني هذي السنه ويوم السبت ببدأ مباشرة بإذن الله اللي بغيت اسال عنه وش المطلوب اخذه معايا من اول يوم دفتر تحضير ولا دفتر احتياط علشان اكتب اي ملاحظات وهل راح نداوم الى اخر اليوم ولا نطلع بدري انا متلخبطة وماني عارفة ايش اسوي وهل المعلمات لهم زي معين ولا تلبس اي زي عادي اقصد من ناحية الالوان ومشكورين .

صاحبة الإمتياز @shoklath_thaybh
عضوة فعالة
يلزم عليك تسجيل الدخول أولًا لكتابة تعليق.

#شمووووخ#
•
مبروك التعيين ويعطيك الله من خيرها ويصرف عنك شرها شكلك أول مرة تدرسين الوضع عادي اللبس أهم شئ رسمي مافيه فتحات ومايكون شفاف وأفضل أول يوم تنورة سوداء وأي بلوزة بس اكمام طويلة ...........دفاتر التحضير موضة قديمة التحاضير جاهزة الان لها ثلاث سنوات بس لازم القلم والدفتر تكتبين فيه الجدول والمواد اللي تدرسين ...........فيه موضوع رديت عليه اليوم عن المعلمة المستجدة وكيف تعاملها مع الطالبات اطلعي عليه يمكن تستفدين ...............وموفقة أختي.........دعواتك لي بالوظيفة لي تسع سنوات متخرجة,,,,,,

عذبه انا
•
دفتر التحضير ماله حاجه تاخذينه من البدايه
انت اول داومي وشوفي وش الجدول اللي بتمسكينه و وش طلب الموجهه .. ترا بعض الموجهات يرفضون التحاضير الجاهزه
اللزي اول يوم البسي تنوره سوداء واي بلوزه كمها طويل .. وشوفي هناك وش الزي المطلوب
بعض المدارس تتشرط وتحدد الوان وبعضهم الامر سهل
ومن ناحية تقعدين لاخر اليوم او لا هذا على حسب المديره .. بعضهم يسمحون لك اول يوم تداومين فيه بعد مايعطونك جدولك
وبعضهم ماترضى
بس بالغالب ما اتوقع تسمح تطلعين .. خصوصا هالترم اول يوم راح يكون ضغط كبير عالاداره
انت اول داومي وشوفي وش الجدول اللي بتمسكينه و وش طلب الموجهه .. ترا بعض الموجهات يرفضون التحاضير الجاهزه
اللزي اول يوم البسي تنوره سوداء واي بلوزه كمها طويل .. وشوفي هناك وش الزي المطلوب
بعض المدارس تتشرط وتحدد الوان وبعضهم الامر سهل
ومن ناحية تقعدين لاخر اليوم او لا هذا على حسب المديره .. بعضهم يسمحون لك اول يوم تداومين فيه بعد مايعطونك جدولك
وبعضهم ماترضى
بس بالغالب ما اتوقع تسمح تطلعين .. خصوصا هالترم اول يوم راح يكون ضغط كبير عالاداره


مشكورين والله بس نفس السؤال كيف تحضير جاهز مافهمت يعني كل المعلماات نفس التحضير وتتوقعون لازم احضر من الساعة 6لان قريتي بعيده وزوجي بيوديني متاخره على الساعة 8 ..؟؟
الصفحة الأخيرة