حبايبي انا ملاحظه من فتره كثر الزن والكلام على المدرسات والعيون اللي عليهم
طبعا بشكل عام نظرة الناس ان المدرسه تداوم دوام اي كلام وتروح تتقهوى وتسولف مع المعلمات
وترجع بيتها واخر الشهر تاخذ راتب وقدره وتصرفه على لبس وتماشي واسواق وغيرها !!
طيب حبيبتي انتي وهي تتوقعين ان الوزاره فاتحه هذي المدارس للتسليه والوناسه وين
الدراسه والتعليم والأنشطه وين مكتب الاشراف والتوجيه والموجهات اللي جايين رايحين كل يوم
الشغله مو فوضى المعلمه محاسبه على كل دقيقه من الساعه 7 تأخير دقيقه ينحسب عليها
والحصص ماتقل عن 5 حصص باليوم اذا مو اكثر تخيلي كل حصه 45 دقيقه واقفه على رجلها
وومكن تجلس خلالها بس دقائق معدووده!! وشرح وكلاااااااام حتى لو ماشرحت تتخيلون
انها جالسه والبنات ساكتين طبعا مستحيل والله عندي انا الشرح ارحم بكثير من انك تجلسين تسكتين
البنات وخاصة بالابتدائي :35: هذا غير المناوبة فسحه واخر النهار .. وغير هذا مطلوبه بعمل انشطه
واوراق عمل لكل طالبه وترتيبها وتصحيحها ووضعها في ملفات خاصه .. وتصحيح كتب بشكل يومي
وكمان مطالبه باالمشاركه في احتفالات المدرسه والمناسبات الوطنيه لازم تشارك اجباري فقره تدرب البنات
عليها او عمل او لوحه فنيه او مطويات او اواو .....كله كوووم ومشاكل الامهات وشكاويهم على اشياء تافهه
كل ام تجي تقول ليش تحطين بنتي ورا خليها في الاول وكل وحده تبي بنتها في الاول !!
خلصنا من الامهات والطالبات تعالي للإداره ومشاكلها احيانا تكون مديره متشدده تمنع المعلمه تجلس بالحصه
حتى لو تعبانه او حامل ممنوع تسحب الكراسي من الفصل .. تخيلي انك معلمه وام وتجي المديره تسحب
الكرسي منك قدام الطالبات!! مشاكل نفسيه وضغوط من الاداره من المعلمات خصام وزعل واحيانا توصل
للشكاوي ... بس طبعا كلها تنتهي بنهاية العام الدراسي ونرجع حبايب زي اول :39:
خلااااص الان شفتي كيف الضغط والتعب على المعلمه خلال عملها بالمدرسه؟؟
طيب هذا مو كل شي نجي للاهم وهو البيت تخيلي حالتها وهي راجعه بعد تعب وكرف ووقفه وهم وزعل وتفكير
ولطعه بالشمس بانتضار زوجها ولا اخوها ولا سايقهاا ولفلفتها بالشوارع اذا كان معاها معلمات توصلهم
وزحمة الطريق وحره وقرفه ... ترجع البيت اولادها ينتظرونها على احر من الجمر اللي يصيح ويتعلق فيهااا
واللي مريض ومسخن واللي عليه واجب صعب ينتظرها تشرحه له والي عنده مشكله ....... كله هذا كوم
والزوووج كوووووووووووم يجي ماااااد بوززه شبر قدااااام يبي غدا على احسن مستوى ولا مطعم خمس نجوم
وبعض الازواج يرفض فكره ان الشغاله تطبخ لازم الزوجه ترجع تطبخ وتنفخ !! واخر الشهر ينتظر
المقسوم من الراتب سواء اقساط تسددها عنه ولا سياره ولا مبلغ مالي !!!
خلصنا من الزوج والاولاد يجي الان دور الأهل الام لها حق وواجب عليها والاب نفس الشي
والاخوان منهم من يستحي يطلب من اخته ومنهم اللي وجهه مغسووول بمرررق يطلب ويبي سياره ويبي يتزوج
وكله على حساب الضعيفه هذي !! والاخوات ينتظرون منك هدايا عليها القيمه في المناسبات والاعياد :44:
اهل الزوج صح مايطلبون لكن يراقبون كل ريال تصرفينه طبعا مو كلهم وكل شي ببيتك ايش شريتي ايش لبستي
ويبون ولدهم يشتري بيت وارض وسياره يعني يستفيد منها بدل ماتروح فلوسها في اشياء تافهه<<هذا
تفكيرهم
والاقارب والجيران اذا صار عندهم مناسبه ينتظرون منك هديه محرزه مو اي كلام يعني عادي الناس تجيب اي
شي بس انتي معلمه وتجيبين زيهم لا طبعا!!
واذا انزنق اي واحد من الاخوان والااخوان الزوج يبون منك فزعه زيك زي اي رجال في العايله<< طبعا لانك موظفه
وعندك راتب .. والله انا اهل زوجي يطلبون من زوجي قطه دبل عن اخوانه اذا صار عندهم واحد بيتزوج ولا شي
آآآآآآآآآآآآآه ياقلبي حتى المسكينه يوم تولد وتنتظر الناس اللي كانت تهديهم يردون لها هدايا بنفس القميه
محد يعبرها يجيبون اشياء تافهه وبسيطه هذا اذا فكروا يجيبون ليش ؟ لانها معلمه وعندها راتب مو محتاجه
الراااااتب يتوزع على البنود التاليه ويختلف من وحده لوحده
الام والاب لهم نصيب طبعا ومن حقهم
الزوج يبي نصيبه سواء اقساط او مبلغ مالي :44:
الاولاد طلباتهم كلها من العاب ولبس وكماليات اذا ماكانت الاساسيات كمان
الخوان والاخوات >>>> مو كل شهر بس الغالب:35:
اهل الزوج >>>>> مو كل شهر صح بس ولدهم قايم بالواجب وزياده:mad:
الاقارب والاصدقاء والجيران >>>>> هدايا قيمه وثمينه مو اي شي
طبعا مصاريف الضعيفه هذي عليها ولاتحلم بيوم من الايام زوجها يهديها حتى لو ورده
وبعد هذا كله تسألون وش تسوي بالراتب كله ؟؟؟؟؟
آآآآآآآآآآآآآآآآآآآآه ياحسره ياليتني ربة بيت انام واشبع نوم واقوم اشتغل بكيفي في بيتي محد يتأمر علي
واربي عيالي وزوجي يقوم بطلباتي وطلبات عيالي وهدايا اهلي واهله وهداياي زي باقي الحريم
كان انا مرتااااااااااااااااااااااااااااااااااااااااااااااااااااااحه
يالله يامعلمات لازم نسوي انتفاضه على الظلم اللي نتعرض له من المجتمع لازم ناخذ حقوقنا كامله
لازم نتساوى باللي جالسات في البيت يالله وينكم ابي اشوف تعليقااتكم
والله يقويكم