معلمه وقدمت ماجستير ارجو المساعده

ابتكلم معك بكل شفافيه وصراحه ووضوح .. ولاتقولين اني احطم ترى هذا اللي اشوفه بعيني ..

تبين تدرسين ماجستير .. لازم تكون عزيمتك فووووووووووووووووووووووق .. يعني مو بس بتدرسين عشان ترتاحين من تعب

وظيفتك وتآخذين تفرغ سنه ونصف او سنتين << حسب موادك ..

( لان بعض المدرسات يكون هذا همها انها تآخذ تفرغ وهي ماتدري وش اللي بيواجهها بالدراسة ) ...

ثانيا : لازم تكونين انسانه نشيطه .. يعني ( لاتؤجل عمل اليوم إلا الغد ) << هذي يفترض تكون حكمتك المعتمده في الدراسة ..

<< انا وش حاسني الا التسويف والتأجيل ..

ثالثا : صبووووره وبالك وسيع ومتفائله ... << لأن النفسية تلعب دور

رابعا : المواصلات + المادية + اللغة .. عشان ماتتعبين في البحث وترى اللي ذكرتها عوامل مهمة في البحث .. بالنسبة للغة

ممكن تستعنين بأحد يترجم لك ويساعدك بالبحث عن المراجع الاجنبية

خامسا : تختارين موضوعك بدري بدري ... وتبدين شغلك على طول وماتأجلينه لانك مدرسه .. وبعد ماتخلصين المواد وترجعين

لمدرستك بيبقى لك الرساله .. وهي اللي بتتعبك شوي وانتي على رأس العمل .. لذلك انصحك تآخذين مباشرة بعد ماتنهين المواد

اجازه دراسية بدون راتب << تعطى للي لهم على رأس العمل اكثر من ثلاث سنوات

او امومه او استثنائي وتكملين شغلك بأسرع وقت ... ونصيحه من اخت مجربه .. ( التسوييف ) انتتبهي منه ترى هو اللي بيخلي

مشاريعك كلها مؤجله ...

والايجابيات .. الحمدلله .. خبره زياده في تخصصك . وشهاده . وزيادة راتب . والله يرفع بها قدرك عنده ان شاء الله وينفع المسلمين

بعلمك قولي آمين

الله يوفقك

ماشاء الله ، الله يوفقك يآرب

ابد ماعندي حمآس اكمل مآستر .. اتمنى البنات يفيدونك

الف شكر ياعمري على الردود انا اخاف اندم واتعب وامل بعدين

اتمنى ان كلامي مايكون له اثر سلبي بس انا بغيت احطك بالصوره وانتي لك حرية القرار واتخذي القرار على اقل من مهلك

وللعلم انا السنوات الاخيره كان النفسية مش تمام من الضغوط اللي حوالي واكيد كل انسان حياته تختلف عن الثاني ويمكن انتي

عندك استقرار اسري ونفسي اكثر مني وبالتالي بتكون نفسيتك مرتاحه اكثر وقادره تعطين ..

استخيري وعسى الله يوفقك ويكتب لك الخير والصالح