مبارك عليكم الشهر الكريم
الله يعيينا على صيامه وقيامه ب اكمل وجه
كلنا نعرف ان الجريش ياخذ وقت ب الطبخ
واسرع طريقه هي قدر الضغط
وكثير منا يفكر يطبخه بقدر الضغط بس يخاف ان القدر ينفجر عليه (الله يحمينا من كل شر)
طبعا فيه نقاط اساسيه عشان نفتح قدر الضغط بكل امان ب اذن الله
كلنا نعرف ان حبات الجريش صغيره وتسد الفتحه وبعدها تجي الوحده تفتحه ويطشر عليها الجريش والمرق
بس ب اذن الله الحين مافيه خوف منه
هذي اول نقطه تسوينها اذا سويتي الجريش بقدر الضغط
اذا طفيتي النار على قدر الضغط وقبل لا تسحبي الصفاره
خليه شوي يرتاح وبعدها شيليه وحطيه تحت الماء البارد 10 دقايق عشان يبرد ويخف البخار
بعدها عشان تتاكدي ان البخار طلع اسحبي صمام الامان الدائره الحمراء لفوق عشان اذا فيه بخار يطلع وتتاكدي ان مافيه بخار
وهذا هو صمام الامان
والله يعيينا وياجرنا