معلومات عن قدور الفخار

اطباق عالم حواء

سلام عليكم
تعبت زي مابنات كثير تعبوا عشان هل القدور وجلست يومين افر الرياض عشان القيهم ومالقيت
ماتركت محل ولا مركز حق مواعين الا ورحت له للامانه هايبر بنده مارحت ولا الدانوب رغم ان فيه بنات يقولون عندهم

انا لقيتهم في الشفاء محلات خاصه بالفخار وكلها ورى بعض وانواع واشكال حتى صواني فرن وشريت وجربت من الانواع بس خساره تكسر قدرين بس استفد تجارب من خلال تكسرهم

الفخار انواع

نوع خشن ويجي ثقيل وناعم من جوه ولو عندي كيمره كان صورته لكم بس هو شكله عمما مو زي قدور الفخار الي نعرفها بحاول اجيب صورته من النت وهذا النوع هو خشن يعني تطبخين فيه عادي وعلى طول وعلى النار مباشره واهم شي اذا خلص الاكل لازم تنزلينه لان القدر يحتفظ بالحراره ويجلس ربع سااعه يطبخ وهذا طبعا اكتشفته بعد من حرق الايدام وممكن تسوين فيه شوربات بعد ودي اجرب المرقوق واقولكم على التجربه وينفع للديمات اللحوم والسمك والكبسات
والنوع الثاني


الي طبعا تكسر نوعين النوع الي معروف له غطاء طويل والي اكتشفته انه نوع الرمل حقه ناعم وهذا النوع يجيك ناعم من برى ومن جوه ماعد القاعده وهذا لازم يتنقع قبلها بيوم كامل في مويه ويكون مغمور لاني واحد جربته بدون نقع وعلى طول تكسر والثاني نقعته لمده نص يوم وانكسر بس مو زي الاول كسوره كانت صغيره مره وتصدعات بس

وهي تطول عكس القدور العاديه متسخن بسرعه تطول شوي


وان شاء الله اكون افدتكم زي ماتعبت ومالقيت احد يرد
صح القدور احجام واشكال وانواع فيه الصغير والكبير وغير كذا عندهم تنانير مفرد تنور
وقدور تشبه الجره بس تختلف وفيه عندهم جرات فول بس نحاس وغاليه الحبه 120 ريال وانا اخذت من عند محل اسمه الرويلي لانه احسن من ناحيه السعر عكس الي جنبه ومكتوب على محل جنبه ان عنده قدور بخاري بس ماشفتها هذي كيف شكلها
22
27K

يلزم عليك تسجيل الدخول أولًا لكتابة تعليق.

تسجيل دخول

العنيدة2010
العنيدة2010
يعطيك العافيه شريت واحد وانكسر على طول لاني مانقعته في الماء اول مره ادري انه تنقع يوم كامل مشكوره ماقصرتي
الماسه الغالية
يسلمووووووووووووووو
clas_sic
clas_sic
يعطيك العافية
حنين الماضي 1429
بعطيكي العافية معلومات قيمة
SOSO الحلا كلة
SOSO الحلا كلة
يعطيك العافية