- هتكلم معاكم عن مقاومة الأنسولين ...ازاي تتشخص و التحاليل المطلوبة و العلاج ...
- هكلمكم من وجهة نظر مختلفة ومبسطه ..
- ♦️♦️وياريت تقرأ البوست.. عارفك هتعمله save وتقول هقرأه بعدين وهتنسي اصلا😂
- .. اصبر معايا ٣ دقايق من وقتك وحقيقي تعبت عشان اوصلك المعلومه دي ❤️
- يلا بينا ..
- ▪️احنا بنعتبر مرحلة مقاومة الأنسولين...توازي ( مرحلة ما قبل السكر pre diabetes ).
- 👈مبدئيا كده ...مفيش تحليل لتشخيص مقاومة الأنسولين..و الكلام ده كلام احسن توصيات طبية في علاج مرض السكري.. تحليل HOMA IR اللي بيتعمل ده مبالغ ..تحليل غير دقيق .. و لا يستخدم في التشخيص و لا في المتابعه.
- 👈طيب نتكلم الاول يعني ايه (مقاومة الأنسولين) ؟؟؟
- الأنسولين دا هرمون بيتفرز من خلايا اسمها بيتا موجوده في البنكرياس..
- هنتخيل الأنسولين دا حارس ...الحارس دا معاه مفتاح الخلية ...وظيفه الحارس يفتح الباب بالمفتاح و يدخل للخلية الجلوكوز .
- يعني دلوقتي لما حضرتك بتاكلي و يحصل امتصاص للاكل و يتحول لجلوكوز ...ف الجلوكوز ده او السكر مينفعش يعلي في الدم ...لازم بسرعه بسرعه البنكرياس يطلع انسولين..و الأنسولين يدخل الجلوكوز في الخلايا ...تمام كده .
- ▪️طيب مقاومة الأنسولين يعني ايه ?
- ....يعني الأنسولين معهوش المفتاح ..أو مش قادر يفتح باب الخلية ..في المرحلة دي البنكرياس بيضطر يطلع كمية انسولين او كمية حراس زيادة .. علشان يفتحوا باب الخلية بالقوة ...كل ده علشان السكر أو الجلوكوز ميعلاش في الدم و يسبب مشاكل و ده اللي بيحصل في مرض السكر النوع الثاني..
- 👈ايه سبب أن باب الخلايا مش بيفتح ؟؟
- الخلايا بتبقي ملايانه جلوكوز أو دهون جوه ...مفيش إمكانية الباب يتفتح . مفيش مكان فاضي جوه الخليه
- ▪️بيفصل البنكرياس تعبان كده Exhausted و بيعاني لفترة طويلة.من كتر ما هو مستهلك و بيطلع كميات كبيرة من الأنسولين علشان تقاوم ...و دي بنسميها مرحلة مقاومة الأنسولين او مرحلة ما قبل السكر...
- 👈دلوقتي..لازم ننقذ البنكرياس.. علشان وقت ما هيتعب و يبطل يطلع انسولين...ساعتها الشخص هيكون مريض سكر.
- انا ك فاروق ...بشوف المرحلة دي مهمة و خطيرة جدا جدا 👌. ..مش موضوع شوية غمقان في الرقبة مضايقينك..و لا كام كيلو عايزة انزلهم علشان يكون شكلي حلو ..لاء احنا عايزين نلحق نفسنا بسرعه... و خصوصا لو عندك تاريخ عائلي للإصابة ب مرض السكري أو عندك زيادة في الوزن.
- 👈بنشخص مقاومة الأنسولين ازاي ؟؟
- ب الأعراض. ✔️ Clinically .الدكتور هو اللي بيشخص
- و اهم الاعراض هو
- ▪️ تغيير في لون و سمك و شكل الجلد في الرقبة و بين الفخذين و الابطين و مفصل الكوع ..
- ▪️ظهور زوائد جلدية في ثنايا الجسم .
- ▪️زيادة محيط البطن....خدي بالك انا الاهم عندي توزيع الدهون مش وزنك كام ... ممكن واحد رفيع بس عنده كرش و يطلع عنده مقاومة الأنسولين.
- ▪️كمان ممكن تظهر على شكل تأخر في الحمل و تكييس في المبيض.
- ▪️بتعملي دايت و مش بتخسي او بتنزلي وزن بصعوبة .
- ▪️عندك نهم دائما السكريات و النشويات حتي لو لسه واكله .
- 👈طيب بعد ما بتتشخص ....ما هي اهم التحاليل ؟؟
- تعرفي اهم حاجه تقيسي الضغط ..اه و الله قياس الضغط مهم جدا
- و تحليل سكر صائم و تراكمي ✔️
- و دهون ثلاثية و كوليسترول..✔️
- لازم التحاليل دي
- بشوف ارقام كوليسترول عاليه عند بنات كتير و مش واخدين بالهم ..
- ..
- 👈العلاج ...علي حسب كل شخص و حالته ..
- النظام الغذائي و المشي مهم جدا
- ممكن نتدخل بالأدوية .
- و العلاج مش صعب إطلاقا ..بمجرد ما تتحسني ..كل الأعراض هتتحسن منها غمقان الرقبة بترجع ل شكلها و لونها الطبيعي .
- .... وبس كدااااااا ❤️
- 🔴عاوزه كل واحده كمل للنهايه
- يقولي في التعليقات كملته للآخر 😅
- و يقولي رأيه في المقال ده واستفدت ولا لا ؟
- وانا معاكم في اي سؤال يخص التغذيه ❤️
- _______________________
asmaa ibrahim @asmaa_nutrition
عضوة جديدة
معلومات عن مقاومه الانسولين
0
497
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️