موضوع حلو
وهذي مشاركتي

من اهم القوانين الصارمة في امريكا ..اذا كان عندك اطفال (من 0-4 سنوات )لازم ما يركبون السيارة الا اذا كان عند كل واحد كرسي مخصص له (car seat) واذا ما جلستيه في الكرسي ..وشافك الشرطي يدفعكم غرامة كبيرة يختلف سعرها من ولاية لاخرى..

صدقها اخت alreemeyes نص بنات الخليج في أمريكا ، كتبلكن كم كلمة نستفيد منها ===> ترى أختكم لاحقتنكم هناك قريب ان شاء الله و طمعانة في كرمكم ..
يالا عاد يا قمامير عاونوها في الموضوع
الصراحة أشياء ما دارت على بالي و خاصة سالفة بطايق التليفونات
مشكوووووووووورة انت و كل واحدة ساهمت و بتساهم في الموضوع

جزكم الله كل خير يا بنات......... وفعلا موضوع مفيد وقيم
وان شاء الله اذا تذكرت شي لي عوده

alreemeyes:26: :26: :26:

سلام عليكم..
و هلا و غلا بكل من شارك و شجع و مر علينا و سلم..

و كل من عنده كلمه تفيد خله يكتبها و لا يستهين بيها لانه راح يفرج بيها و يسهل امور غيره )حكمه اليوم(!!!!

انزين..تذكرت شغله وايد حلوه و هي مواقع العروض الامريكيه ..راح تستانسون عليها وايد لانكم بامريكا و تكلفه الشحن راح تكون رخيصه بالمقارنه مع الشحن العالمي..هني روابط لموقعين منقعين فيهم الامريكان و غيرهم:

www.ebay.com
http://www.craigslist.org/

في هذي المواقع ممكن تشترون اشياء مستعمله (و هذا الشي وايد زين للي الظروف تضطره يكون بامريكا لاقل من سنه ) و لا تفتكرون ان الاشيا المستعمله حالتها حاله و منها فايده بالعكس راح تلقون وايد شغلات و بالخصوص الالكترونيات ما استعملوها اصحابها الالفتره بسيطه ..و تقريبا كل العروض يحطون صور و العمر الاستهلاكي للمنتج ..بالعاده يكون في نبذه عن البائع ..هذي الشي يخليج اتعرفين من خلال ردود الناس اللي شروا منه قبل اذا الشغلات الللي يبيعا بالفعل مثل ما قال..

انا حصلت كيمرا فيديو+picturesو ديجيتال و جديده ووايد صغيره ب$180 و اصلا سعرها بالسوق يوصل$500 دولار
اذا عندكم اي استفسار فما يردكم الا لسانكم وحتى لو تريدون شويتين شرح عن ذي لمواقع و تفصيلها فبتوفيق ربي اقدر اعينكم و المجال مفتوح لجميع الخوات لاي اضافه

الموضوع الجاي واااااااااااايد مهم فراوني العيون العربيه المنتبه:32:

سلااااااااام يابنات ...

اللي يميزنا عن غيرنا و يعطينا قيمتنا بذي البلد الغريب هو ايماننا بالله سبحانه و عالى و صح انه الغربه كربه ...لكن اللي يعوض عن كل شي العلاقه اللي راح تتقوى بينج و بين ربج سبحانه و تعالى ...يوم اللي تحسين انه لا اهل و لاعزوه معاج عشان تحامي عنج..راح تلقين الله سبحانه اقرب لج من حبل الوريد و داااااااايما اقروا ايه الكرسي للحفظ...

قبل ما تحطين اي شي بجنطه السفر تاكدي انه سجادتج و المصحف الشريف و كتاب ادعيه صير معاج ..ولا تنسين البوصله ..تنباع بكل مكان و بتلاقين معاها كتاب صغيرون عن اتجاه القبله بالدرجات لبعض المدن ارئيسه لكثير من البلدان و اذكر اني جفت بعض سجاجيد الصلاه اللي اصلا تكون معاها بوصله ..اختاري اللي يناسبج ..انا بالنسبه لي خذت بوصله اسهل للمطارات و اخذوا معاكم شرشف صغير عشان ما ياخذ مكان في الهاند باك ..ذي الشي بيكون عملي في الرحلات و لما تكونين بالجامعه او الشغل ..اهم شي انج ما تسجدين ع فرشهم اللي ما اتوقع انه طاهر..

قبل السفر بيكون شي طيب لو خذتي لج نظرة سريعه عن احكام السفر و احكام الاكل الحلال و غيره كل حسب مذهبه و الاحترام هنا لجميع المذاهب و الطوائف مادمنا مسلمين و الله يوحدنا دوم..

الشي اللي طرت من الفرحه يوم اللي لقيته هو الاذان ع هذا الموقع:
www.islamicfinder.com



هذا الموقع راح يكون افضل مرجع لكمفي غربتكم لانه فيه الجدول الشهري لاوقات الصلاه بالمدينه اللي انتي بيها و اسماء و عناوين و ارقام هاتف المساجد اللي بمنطقتج و اذا كانوا المسؤولين عن المسجد وايد فهلوه راح تحصلين حتى موقع المسجد ع الانترنت:32:

و بتلاقون وايد شغلات حلوة ثانيه ع الموقع ان شاء الله

خلصت الفقره الدينيه:44:...:time:
تعالوا باجر للمزيد ان شاء الله

يا بنيات ترى ما اوصيكم تدعون بالخير لروحكم و اهلكم و ازواجكم و عيالكم و لامه المسلمين بالفرج القريب ....و انا بعد :27:

و ربي قريب مجيب ..