السلام عليكم ورحمة الله وبركاته
فى حجات كتير فى حياتنا مبناخدش بالنا منها سواء كنتى متزوجة او غير متزوجة
وطبعا لازم كل واحدة فينا لازم تعرف وتتعلم كل حاجة عشان خبرتها تزيد
وعشان تعرف ازاى تتعامل مع معظم المواقف اللى ممكن تمر بيها
وكمان هنحاول نتكلم فى كل حاجة تخصنا وتخص حياتنا اليومية ومن خلال الموضوع هنعرف كل حاجة ممكن تدور فحياتنا ونتعلم ونعلم بعض
هنعرف ازاى بنت حواء تبقى احلى واحدة فعين جوزك
ازاى تحافظى على جمالك وجمال بيتك وعلى انوثتك
ازاى تريحى جوزك وتوفريله كل احتياجاته
هنتعلم ازاى نساند اجوازنا وازاى نقف جمبهم ونساعدهم ونشيل عنهم
فنفس الوقت هنتكلم فى اى مواقف عامة اى موقف محرج اتعرضتى لييه او موقف كوميدى او موقف جرىء وازاى اتعاملتى معاه
هنحاول نرتب وقتنا وننظم نفسنا عشان نقدر نستفيد بمعظم وقتنا لنفسنا ولجوزنا وبيتنا ونبقى واثقين وراضين عن نفسنا
هنتكلم عن الميك اب
الشعر
البشرة
الجسم
اى مشكلة بتواجهك ومش عارفة ازاى تحليها
اى حاجة استخدمتيها ونفعتك
وايه اللى استخدمتيه ومنفعكيش
هنتعلم كل حاجة واحدة واحدة
ونتكلم فى اللى المفروض نعمله كل يوم لنفسنا ولجوزنا ولبيتنا
هنتكلم عن النظافة الشخصية
ونظافتك فى بيتك
هنتكلم كمان فى ملابسنا
لان كل وقت لييه لبس معين وطبعا لازم الواحدة تحسس جوزها انها عايقة اوى وواثقة من نفسها وانها ملكة جمال
طبعا الروح و الاخلاق اهم حاجة واحلى حاجة فى اى واحدة لكن
طبعا الاهتمام الشخصى والثقة بالنفس والشخصية للواحدة بتحليها اكتر
وتخلى اى حد يتعامل معاها يحس اد ايه هى جميلة
هنتكلم عن المناسبات يعنى اذا عندك مناسبة ايه الهدايا اللى ممكن تجيبيها وتبقى اجمل هدية جبتيها
وكل واحدة عندها موضوع او اقتراح او اى راى تشاركنا يا ريت كلنا نتشارك ونتناقش لانها امور تهمنا كلنا
لو الموضوع عجبكم قولو رائيكم عشان نكمل
ويا ريت نتابع مع بعض يوميا
وان شا الله تتفاعلو معايا
شوشتاى @shoshta_2
محررة برونزية
معلومات وخبرات هامة فى حياتنا تهم<<المتزوجة....وغير متزوجة>>/اكتفى من الردود
319
44K
هذا الموضوع مغلق.
شوشتاى
•
ميرسى يا صغيرونة
وان شا الله يكون خير علينا جميعا ودايما نغير من حياتنا للاحسن
نورتى موضوعى يا قمر
وان شا الله يكون خير علينا جميعا ودايما نغير من حياتنا للاحسن
نورتى موضوعى يا قمر
الصفحة الأخيرة
بس حلو اختياارك للعنوان
ولي عوده ان شاء الله