معلومة غريبة??!

اهلين بنوتات كيفكم?
راح ابدا الحدوتة من الاول احنا عندنا جارة جديدة خبيرة تجميل تشتغل في مراكز راقية و كذا. كم مرة تسلم على امي وكذا عشان التعارف ومرة قالتلها انا اشتغل في مركز كذا (معروف و في مكان راقي) قولي لبنتك تجي تعمل عندنا عناية. انا اعتذرت بلباقة اولا مشوار و مركز غالي وبعدين علاقتي بالجيران في حدود الاحترام سلام معايدة و بس.
بعد فترة فتحت مشروع خاص بها في حينا مشغل صغيرون بجنب بيتها عشان تكون قريبة من عيالها. تقابلنا مرة و بين السلام و المجاملة كررت دعوتها ورحتلها بما انه جنب البيت. ما قصرت جزاها الله خير ما غير تحطلي فهالمستحضراتو انا عيوني مغمضة بالقطن و حطتلي سيروم و اشملك ذيك الريحة اللي اعرفها بس كذبت نفسي قلت يمكن مستعملين نفس العطر او شيء. لما خلصت رفضت المسكينة والله انها تاخذ فلوس و كمان اعطتني شوية من مستحضراتها واحد تقشير و انبوب صغير جدا فيه السيروم قالتلي استعمليهم فالبيت لتدعيم النتيجة :نعومة و تفتيح لما شفت الانبوب تأكدت انه شكوكي لما شميت الريحة صحيحة! تتوقعو ايش? ايش هو السيروم? زيت املا الاخضر تبع الشعر. سألتها املا? ما توقعت اني عرفته عشان استعماله مش دارج كثير في بلدي. قالت لي ايوه مخلوط معه قطرات من الزيت الاساسي للالوفيرا! تصورو صدمتي املا للبشرة! وقالتلي انهم كانو يستعملوه من بين المستحضرات في المركز الراقي اللي كانت فيه و انه احسن كن كثير سيرومات و مستحضرات غالية.
طبعن رجعت للبيت دغري على الابتوب اعمل بحث عن فوائد املا للبشرة سأات نفسي هو شو الاملا? و لقيت الاجابة : هو الاملج وله فوائد خيال اعملو بحث و شوفو.
الخلاصة طولت عليكم بس وصفتلكم علاقتي بالحرمة عشان تعرفو انها صادقة معي و رفضت حتى تاخذ فلوس.
الحكاية صارت امبارح يعني ما جربت لمدة طويلة بس حسب كلامها انه مجرب.
الي ممكن تحصل الاملج في حد ذاته اتصور احسن. انا ما اقدر احصل الاملج راح اتبع طريقتها: شوية زيت املا و قطرات زيت اساسي الوفيرا و لو ما حصلته راح احط زيت جنين قمح. قالتلي تحطيه فالليل و تجتنبي اي ضوء.
و سلام :)