معلومة متداوله وخاطئة عن الشامبو

أنا من الناس المهووسين بالبشره والشعر واحب أقرأ وأجرب كل شيللأسف قبل كم سنه سمعت من وحده خبيرة نصيحة تقول اغسلوا شعرك بشامبو اطفال لان مافيه مواد ضارة ولطيف على الشعر
اكيد كلامها بحسن نية بس معلوماتها خاطئة
استمريت على شامبو جونسون للأطفال ويوم ورا يوم شعري يجف وهو اصلا نوعيته جافه وصار يتشابك بشكل فضيع وشكله باهت وأنا مستغربه من شعري لاني اهتم فيه
ومالقيت سبب الا الشامبو وقلت اكيد انه مقلد وخصوصا ان منتجات جونسون تباع احيانا في المحلات العاديه فكونها مقلده شي وارد مع اني اشتريته من صيدلية
ورجعت للشامبو العادي ورجعت طبيعة شعري تتحسن
بس انا في داخلي مقتنعه ان شامبو الاطفال افضلوقبل فتره سمعت معلومه من طبيب جلديه اكدت لي ان شامبو الاطفال ابدا مايناسب الكبار
ليش؟ لان طبيعه شامبو الاطفال قلوية
ليش يخلونها قلويه عشان لو دخل الشامبو في عيونهم ما يحرقهم عشان كذا في دعايات شامبو الاطفال يقولون لا دموع بعد اليوم
والهرمونات ما اكتملت عندهم مثل الكبار فمايطيح شعرهم مثل الكبار لو استخدموا شامبو قلويشعرنا طبيعته حمضي ودرجة حموضة فروة الراس 5.5 عشان كذا الشامبوهات الجيده تكون درجة حموضتها 5.5 لكن تحرق العين لو دخلت فيهوهذي الدرجة من الحموضه ماتضر الشعر او بالاحرى متناسبه مع الشعروهذا الشي بعد ينطبق على بعض انواع الصابون الطبيعي مثل صابون الغار اللي البعض ينصح تغسلون شعركم به يسبب تجعد وتشابك للشعر حتى لو مكوناته طبيعيه بس هو قلوي مو حامضي فمايناسب طبيعة الشعر
عشان كذا تلاقون اللي مقاطعين المنتجات الكميائية ويغسلون شعرهم بكربونات الصودا ينصحون بشطف الشعر بعد الاستحمام بخل التفاح او الخل العادي لانه الخل حمضي والصودا قلويه فالخل يعادل خموضة الشعر ويرجعه لطبيعته الحامضيةنفس الشيء بعض الاشياء الطبيعية اللي نحطها على شعرنا مثلا الكركديه او الحنا نلاحظ ان الشعر بعدها صار جاف لانها مواد قلوية
وبعد الصبغات ومنتجات فرد الشعر قلويه عشان كذا يصير شعرنا جاف وعرضه للتكسر بعدهافافضل نصيحة للي تستعمل مكونات طبيعية بس تحس انها تجفف شعرها او تجعده
او تستعمل شامبوهات بس درجة حموضتها مو موزونه انها بعد غسل الشعر تشطفه بالخل او الليمون او تحط زبادي عشان الشعر يرجع لطبيعته