معلومه تفيد المطلقات

الأسرة والمجتمع

السلام عليكم خواتي الغاليات بدخل بالموضوع مباشره انا الاحظ بعض المطلقات هنا ما يعرفون المقطوعه او المساعده السنويه التي تقدمها الدوله سنويا من الضمان الاجتماعي مثلا انا مطلقه بدون اطفال طبعا يزيد المبلغ اذا كان عندك اطفال انا استلم عشرة الاف سنويا طبعا دفعه واحده و طريقة التقديم سهله مجرد تروحين لضمان الي بمدينتك معك بطاقتك الشخصيه او بطاقة العائله وتقولين ابي اقدم على المساعده السنويه وبس لاني اشوف هنا مطلقات يقولون حنا نذخر من الضمان شهريا مبلغ معين لمدة سنه فليش تسون كذا مدام فيه هالمقطوعه السنويه اتمنى اني افدكم بشي
57
69K

يلزم عليك تسجيل الدخول أولًا لكتابة تعليق.

تسجيل دخول

طير الفرح غرد
طير الفرح غرد
مشكوره يالغلا

الله يعوضك ويعوضني وكل مطلقه ويزيدنا صبر اللهم امييين ..
*alnori*
*alnori*
صادقه

قبل كنت مسجله بالضمان

وطلبت مساعده من موظفه الشؤون

وعطيتها صورة من بطاقه الاحوال حقتي <<<< او كرت العائله

وطقطقت بالكمبيوتر وقالت بعد شهر تنزلك <<<<< بكل سهوله

بعد 5 شهور بالضبط نزلتلي بنفس الصرافه,,,

الحمدلله
اماني35
اماني35
جزاك الله خير والله يعوضك ويعوضني وجميع المطلقات ويفرجها علينا وعلى ابنائنا عاجلا غير اجلا
طهر الحياه
طهر الحياه
الله يجزاك الجنه
مطلقه وافتخر
مطلقه وافتخر
حبيبيتي نورهان انا قبل مثلك بعد 5 شهور استلمتها لكن الحين بالكثير تاخذ اسبوعين انا قدمت قبل اسبوعين ونزات لي بسرعه