معلومه مهمه لغسول الماء والملح .. والمره

السلام عليكم ورحمة الله وبركاته


"


الله يهون علينا ويرزقنا بالولاده السهله الميسره
ويفرحنا بشوفة اطفالنا ونحن واياهم بصحه وعافيه


"


حبيت اقولكم معلومات عن غسول الماء والملح للمنطقه الخاصه
الكل ينصح بهالغسول وطبعا معروف ان الملح معقم طبيعي
لكن حبيت انبهكم لنقطه ان الملح المفروض ما يوضع بكميه كبيره في المويه .. لان كثرته مهيب زينه زيه زي اي علاج ..
لانك اذا كثرتي بيسبب لك جفاف في المهبل وتسلخات واذا كان فيه خياطه مع الجفاف تنفك الخيوط وتتقطع .. وبعد يكفي مره وحده في اليوم مو كل مادخلتي الحمام وطلعتي غسلتي ..

ونفس الشي المره جربي تاخذين قطعه بيدك وتفركينها بشوي مويه بتحسين ان يدك تكون جافه ..
وعاد طبعا فيه ناس يستخدمون غسول المره وناس لا بس انا ما احب استخدمها كثير الا اول يوم او يومين اذا كثرت ومره وحده باليوم واذا حست ان جاني شمم او التهاب غسلت بها.. ونفس الشي ما اكثر من كميتها ..و كثرتها وكثرت استخدامها يشد المنطقه فما تقدرين تتحركين زين وعلى اقل حركه بتتقطع خيوطك على عشان الجلد يكون شاد ..


* وانصحكم يابنات بغسول الارطا مرررره زين للخياطه ..


هذا ماعندي من معلومات .. وانا ماعندي الا القليل واي شي احس انه مفيد ان شاء الله راح اكتبه ..







* لاتنسوني بالدعاء

والله يغفر لامي ويرحمها ويجمعنا بها في جناته .. هذا ما تعلمته منها ..