معمول الغاليه tiaa عملته بالعيد وطلع بجنننننننننننن اللي بتحب المعمول لازم تدخل

السلام عليكم كل عام وانتو بخير الله يجعل أيامنا كلا عيد بعرف العيد خلص
وأنا متأخره بس أنا مابخلص العيد عندي حتى تجي المدارس :D

بس حبيت أشكر الأخت tiaa على المعمول الأكتر من رائع وعملته بالعيد وطلع
بجننننننن والله كأنو جاهز وعجب الجميع وكل مابيجوا ضيوف عنا بياخدوا الطريقه
الله يجزيك الخير ويعطيك العافيه ويسعد أيامك ياااارب

المقادير:
كيلو طحين >> بتلاقي بالسوبرماركت كيس طحين صغير مكتوب عليه كيلو جرام.
كيلو طحين فرخة - سميد ناعم >> روحي على المحمصه وقليله يحطلك كيلو.
كيلو سمنة او زبدة لورباك - يفضل الزبدة >> أنا عملته بالزبده كمان بالسوبرماركت
بتلاقي زبدة حجما كبير مكتوب عليها واحد كيلو.
نصف كوب سكر بودرة.
ملعقة صغيرة ملح.
كوب ماء.

الطريقة:
نخلط المقادير الجافة ثم نضيف الزبدة السايحة عليها ونفركها مع بعض ثم نضع فوقها كوب ماء ونعاود العجن.
اذا وجدت العجينة رخوة ضيفي نصف كوب طحين ثم نعجنها جيدا جيدا لتصير العجينة متماسكة نتركها ترتاح ساعة.>> يابنات اللي تكون ببلد حار متلي أنا لازم تحطي العجينه شوي بالبراد لأنو حتكون رخوه زياده لأنه الزبده حتكون كتير سايحه يعني تقريبا تلت ساعه ولما حتطلعيا حتلاقيا تماسكت معك.

الحشوه:
الجوز: نصف كيلو ندقه لينعم ونضيف عليه تقريبا فنجان قهوة ماء زهر+ فنجان زبدة
وتقريبا ثلاث ارباع او كوب سكر.
الفستق: نصف كيو فستق + تقريبا كوب سكر + فنجان ماء زهر + فنجان زبدة .
>> انا حطيت تمر عجوه مع أربع ملاعق زبده مشان يطرا شوي.
>> المعمول عملته بقالب والفستق عملته دوائر بعدين ضغطت عليه بالشوكه من
فوق شوي بس مشان يعطي شكل وبعد ماحطيته بالفرن غطيت معمول الفستق
بالسكر البودره.
>> حطيته على درجة حراره 250 درجه بفرن المايكرويف.

أتمنى يعجب الجميع ونشكر الأخت tiaa وهادا رابط الموضوع:
http://forum.hawaaworld.com/showthread.php?t=148430