ماشاء الله .. لاقوة الابالله
أنا اليوم يايبه لكم طريقة يديدة يعني من باب التغير للكيك
شكل وطعم راقي ويرفع راسج يصلح تدخلين فيه على ربعج
المقادير
2 كاس طحين
1 كاس سكر
نص كاس زيت
ملعقة متوسطه فانيليا
ملعقة أكل بيكنغ باودر
ربع كاس ماي
4 بيضات
هذي اله المعمول من برع للي مايعرفها وأكيد لها ماركات
اناشاريتها من زمان ومن قطر ب160 ريال
وهذي من برع
وهذي من داخل
الطريقة
نضرب البيض ونضيف السكر والزيت
نضيف الماي وبعدها الفانيليا والبيكنج بودر والطحين بعد ماننخلهم مع بعض
نصب العجينة في قوالب مكينة المعمول بعد ماتسخن ونمسحها بفرشاة الزيت
تاخذ العجينه من من 3 الى 4 دقايق بالماكينه لين تستوي
يتبع
نمسح مابين القطعتين اللي تبين انا مسحتها مربى فراوله من صنع ايديني
أمرر دار مادارها بشويه شيرة ( قطر ) وأغلفها بجوز الهند
تقدرين تستبدلين الجوز بالفستق المطحون أو اللوز المحمص المجروش
وممكن تلونين جوز الهند اذا تحبين
وهذي الشكل النهائي للكيك
منظر مشهي
وعليكم بالعافية
دعواتكم يالغالين