هذا المعمول او حلويات كعب الغزال زي ما بنسميه في المحلات التجارية في مصر شكله رووعة ويفتح النفس وشيك في التقديم
والاحلي انه شبه السينمون
الطريفة والمقادير :26:
اي عجينة معمول اعتمدتيها وناجحة معاكي اعمليها واتركيها ربع ساعة ترتاح ( واللي حابه تعرف طريقتي انا حاضرة )
للحلوين اللي طلبوا المقادير تم التعديل
4 كوب دقيق
كوب سمن
ثلث كوب زيت
حوالي كوب الا ربع لبن مش حليب لبن ( وكان لبن اكتفيا )
معلقة كبيرة مليانة خميرة
نصف كوب سكر او اقل شوية
معلقة كبيرة خليط من ( يانسون - شمر - هيل ) مطحون
معلقة كبيرة حبة البركة والسمسم
اي ريحة عندك ( انا استخدمت ريحة الفراولة )
الطريقة
الاول سخني السمن (وانا استخدمت السمن البلدي) على النار حتي يسخن وعلى ما يسخن اخلطي الدقيق مع خليط اليانسون والحبة السواء والسمسم واول ما يسخن السمن ما يغلي بس يسخن صبيه على الدقيق وحركيه كويس بمعلقة خشب علشان ما يحرق ايديك لغاية لما الدقيق يشبع كل السمنة واثناء ما الدقيق سخن صبي الزيت عليه وقلبي كويس لغاية لما يتجانس
سخني كوب اللبن بس بسيط يكون دافئ وشيليه من النارواخلطي معاه معلقة الخميرة والسكر والريحة الفراولة كويس
لغاية لما الخميرة تذوب صبي اللبن شوي شوي على خليط الدقيق بالسمن حتي تتكون العجينة عندك وتكون طرية سهلة التشكيل
مش لازم تصبي اللبن كله على حسب ما يحتاج وتحسي ان العجينة تكونت عندك واصبحت طرية
صراحة احلي عجينة للكحك والمعمول ويظل عندي فترة طويلة ما يخرب
ان شاء الله الطريقة تكون سهلة والباقي بالصور
بعد كدة افرديها مستطيل بالشكل دة
بعدين اعجني التمر مع معلقة سمنة ومعلقة قرفة وبعد ما تبرد
افرديها بين ورقتين زبدة حتي يسهل عليك الفرد وضعيها على مستطيل المعمول
ابدئي لفي المعمول شوي شوي مثل السينمون وتكون على شكل اسطوانه
ابدئي قطعيها بالشكل ده
رصيها في صينية الفرن من غير دهان ودخليها في فرن ساخن لمدة تقريبا 12 – 15 دقيقة او حتي النضح وبعدين شغلي الشواية للاحمرار الخفيف
يتبع
وهنا بعد ما خرجت من الفرن
وده شكل تاني تقليدي بس بنحبه
وهنا نموذج للشكلين مع بعض بعض الاستواء
اتمني يكون عجبكم المعمول
اي سؤال عيوني لكم :27:
احب اسمع ارائكم :39:
وسلام