سميته كذا لاني في المانيا ولازم اعيد بالمخبوزات المنزليه دورت وبحثت عن قطاعات المعمول في المانيا وفي النت وما لقيت
واصلا انا اعرف هذا المعمول رووووووووعه اساسا اخوي الله يحفظه من هواه االطبخ هو اللي سواه من كتاب طبخ ولمه رحنا نكشت مع الاهل كان معانا معمول اخوي ومعمول جاهز كل الحريم اكلو معمول اخوي وتركوا المعمول الجاهز وما احد صدق اني اخوي هو اللي مسويه
ومن يومها وانا واخواتي وصديقاتنا ما نسوي غيره وعشان كذا اتصرفت و استخدمت كاسه صغيره جدا بدل القطاعه و اشتريت ملقاط جديد و استخدمته للنقش ومن هنا جات تسميته بالحاجه ام الاختراع
اسفه طولت عليكم واترككم مع المقادير والصور
المقادير
2 ونص كوب دقيق ممكن تقللي شويه حسب نوع الدقيق
نص كوب سكر مطحون
صفار بيضه
2 ملعقه كبيره حليب بودره
2 ملعقه حليب سائل
كوب زبده
نص ملعقه صغيره بيكنج بودر
ملعقه صغير من (هيل قرفه ينسون زنجبيل ) 3 حبات قرنفل تطحن مع بعض مانستخدم كل الكميه ناخد منها شويه
تمرمفروم و يهرس بماء حار حتي يصبح سهل التشكيل نضيف له من خليط البهارات السابق حسب الذوق
الطريقه
تضرب الزبده والسكر حتى تصبح كالكريمه
يضرب صفار البيضه على حدى ويضاف للخليط السابق ويقلب بملعقه
يضاف الحليب السايل ثم الحليب الجاف البودره وشويه من البهارات المطحونه يستحسن انها ما تكثر
و يضاف الدقيف المخلوط بالبيكينج بودر تدريجا ويعجن حتى تتكون عجينه متجانسه
تؤخد قطعه صغيره وتفرد ثم يوضع فيها التمر وتكور
انا حطيتها في الكاسه الصغيره عشان تاخد حجم موحد وحطيت في الكاسه خيط عشان اقدر اسحب العجينه زي ما شايفين في الصوره
ثم تنقش بمنقاش الكحك انا ما عندي للاسف عشان كذا استخدمت ملقاط جديد
تخبز في فرن متوسط الحراره حتى تصفر الجوانب
تترك تبرد و بعدها ترش بالسكر وتقدم والف هنا وعافيه
تسلم ايديك ياقمر
والله يحفظلك اخوك