معهد العالميه

السلام عليكم حبيبتي اموره والله يوفقك
انا معاي دبلوم العالميه سنه دراسيه كامله ورايي انهم يعاملونك مثل نظام الجامعات يعني غياب 3 محاضرات بدون عذر يحرمونك من الماده وكذلك الاختبار يكون من 30 او 15 وتاخذين دراجاتك بجهدك مو معنى انه بفلوس بيتساهلون لانه معتمد من جامعة الملك سعود بالرياض والاسئله نهاية الترم مو من المعلمات يجينا من الجامعه يعني هي تختبرك في النصفي فقط وبكذا تاخذين دبلوم بجهدك مو بفلوسك وبصراحه المعهد وطريقة تدريسه رائعععععععععععه
والله يوفقك وتاخذين امتياز واي استفسار انا مستعده

معهد العالمية ثاني معهد على مستوى المملكة ..
توكلي على الله .. والله يوفقك

وانا بعد معي دبلوم حاسب سنتين من معهد العالميه المعهد دراسته ونظامه حلو وترا امتحناته كثيره يعني شمري على ساعديكي واهتمي مثل قول الاخوات ما احد يجيب دراجات الا بمجهوده ونصيحه بيقولون لكي انه عندهم دبلوم بريطاني يعني تدفعين كل ترم 500 ريال على المبلغ الي انتي معطيتهم اياه وهم بيمتحنونك باوراق من نفس الدراسه الي انتي تدريسينها بس تراها مالها فاياده يعني راح ياخذون منكي 2000 ريال من دون فايده وانا ماخذتها ولا استفدت منها

الله يجزاااكم خير ماقصرتوا راح اتوكل على وادخل
بس وش احسن دبلوم شبكات والا برمجه

شوفي عيوني انا بالنسبه لي على شان الوظيفه أخذت دبلوم علوم حاسب وتعليم وليت عاد توظفت بس ادعيلي بالوظيفه
اما بالنسبه لحملة الثانويه فلهم دبلوم الشبكات او البرمجه وحتى البكاليورس ياخذونها اذا حبو بس دبلوم الشبكات ترانه خطيييييييييييييييييييييييير وله مستقبل باذن الله وانت اسئلي مديرة المعهد وهي بتعطيكي النصيحه الزينه وموفقه وخيتي