معي ألفين ريال

الله يرزقك اختي من واسع رزقه وصدقيني المساله مو بالكم المساله بالكيف

والمبلغ اللي معك ممكن تبدين به بشي بسيط يعني تشترين مثل الاشياء اللي يعرضونها الاخوات او تشوفين بضاعه وتبيعينهن على رفيقاتك واهلك وشوي شوي ربي بيوسع رزقك واتمنى تطالعين مواضيع الاخوات بتشوفين اشياء رخيصهم لكن مكسبها حلو وممكن تاخذين فكره منهم

مشكور أخوي على اهتمامك وتشريفك موضوعي
وشي أكيد وحلو ان الواحد يبدا بحاجه بسيطه واذا الله وفقه ومشت معاه يتوسع فيها
بس انا توني محتاره
انا فكرت في الاسهم ولمن توصل لمبلغ حلو باذن الله افتح بيها محفظه هاه وش رايك ؟؟؟؟؟؟؟؟؟؟؟؟؟؟؟

اختي بالنسبة للاسهم المبلغ اللي معك صدقيني ماينفع تدخلين به ابدا .
نصيحتي لك اختي انك تشوفين شغله تكون مناسبة للمبلغ اللي معك يعني تبدين بتجارة المنزل وانا شفت مواضيع والله مشرفه للاخوات مثل بيع الدخون والجلابيات واشيا كثيره الاخوات يتاجرون فيها فصدقيني هي فرصه لك وبحكم علاقاتك تقدرين تطورين هالمبلغ وربي بيوفقك وتقدرين تدخلين بعدها براس مال فعلا تحصدين منه عائد من الاسهم لكن صدقيني هالمبلغ ابدا حاليا ماينفع

مرحبا اختي كلام الأخ صحيح.. ليش ماتبدين من بيتك.. اشتري بضاعة بالجملة و بيعيها بالقطعة وتراها شغلة مربحة و المبلغ اللي عندج حلو ممكن تشترين فيه بضاعة كويسة ..
و الله يرزق الجميع الرزق الحلال

وانا نفسج عندي مبلغ بسيط ومحتارة ..
صح ما فيه غير التجارة ..

لكن جربت وفشلت .. لأن ما عندي زباين ..

اللي اعرفهم كلهم يحبون يشترون الاصلي الغالي .. من أرقى المحلات ..
ما يبون بضاعتي .. !! :(

وفكرت بالاسهم بس الكل قال ما ينفع .. فمادري شو أسوي ..