معي حق والا انفذ بجلدي قبل لاكل قتلة 😂

يا جماعة بدي الفت نظر لهالموضوع..مش عارفة هو بس انا بحس هيك.. والا فعلا في مشكلة هون...
ليشش لما وحدة بتنزل موضوع..خاصة ان كان مشكلة شخصية او عائلية او ظرف قاهر بتمر فيه..وبتعرض قضيتها لتساعدوها او تزيلو حيرتها على الاقل... بتلاقي انه في نسبة كويسة من الردود قاسية ومش حكيمة من مرة.. يعني كأنو صاحبة الموضوع صارت فريسة اي حدا بدو يهاجمها او حتى يعلق بدون م يحسب حساب كلمته او انه ممكن تجرح صاحبة الموضوع..لا تحكي هاد منتدى وما حدا بعرف حدا... لا يا حبيبتي.. في ناس روحهم في هالمنتدى ومالهم متنفس غيره وبعتبروه جنتهم وخلاصهم وكل كلمة بتأثر عليهم..طلبي انه قبل لتعلقي..حطي نفسك مكان الكاتبة.. وحاولي تساعديها مش تزيديها عليها حتى لو غلطانة
ثانيا والله العظيم انه صاحبة الموضوع ما بتعرفك ولا بتقصدك ..يعني لو حكت كلمة عن الجمال ما بتقصد تنقدك..لو حكت كلمةةعن الزوجة الاولى او الثانية كمان ما بتقصدك.او او...هي بتحكي عن حالة شخصية هي بتمر فيها لوحدها ..ظروفها غير ظروفك..لتتجبري وتحسي انها بتغلك عليكي لمجرد انك مريتي بهيك ظرف
طلبي..وسعووو قلوبكم وخذو الامور ببساطة مش اكثر
رمضان على الابواب والكلمة الطيبة اثرها واجرها حلووو
رح اهرب الحين قبل لانطخ 😂😂