اتوقع انه هو ما رفض اسم ابوكي قد ما رفض طريقة اسلوبك معاه

ترى الرجال ما ينقال له انا حملت وتعبت فيه .... كأنك تنفخي في قربة مفقوعة

شوفي حبيبتي
بقولك تجربتي بس مع بنتي
انا اسمي من الاسامي الجديده مكونه من ثلاث حرووووووف ولما حملت ببكري وكشفت قالوا بنت
عاد وانا امزح قلت عساك بتسمي على امك ........... عاد انا قلتها او لا قال اكيد !!!!
والله انا اك الوقت احسبه يمزح والله ان اسم امه قدييم ولااااااااااكنت احلم فيه طول عمري والله انه حطم احلامي عندي نوته كلها اسامي بنات ومعانيها ...<<<<< تنرحم .
المهم قمت احاول من انا في الشهر الرابع انه يغير رايه واقوله من الاسامي اللي عاجبتني وهو مصرررررررر لا لا لا
وفي الاخير قام يقفل الموضوع لدرجه اني قمت ابكي من القهر الى ما ولدت ..
وفي النهايه راح سجلها بدفتر العائله بأسم امه
ولا جااااااااااااااب خبري
يعني الزبده الرجال إذا حط براسه شي خلااااااااااص مستحيل يغير رايه إلا من رحم ربي .


بنتي عمرها 3 سنين ياحبيلها ويا حبي لأسمها والله كل ما تذكرت الموقف شوي واذبحه لكن ...........
حكم القوي على الضعيف.
اسفه طولت لكن اقولك ان مثلك كثير ,

اختي الغاليه اسلوبك مع زوجك خطا وبعدين ياحلوه وشلونتقولين انا اللي احمل واولد بكيفي تقدرين تحملين من دونه ماتقدرين يعني له حق يبدي رايه انتي باسلوبك كانك تقولين مالك دخل اعتذري منه وكلميه بهدؤ وصدقيني بيقبل واذا صار جالس وهادي اقربي منه وقولي فلان ابطلب منك طلب وتكف ا لاتردني انا امر بموقف صعب ومحتاجه لك تساعدني والله لايحرمني منك اعرفك رجال وقدها وقولي له ابوي طلب مني اسمي عليه ومستحيه ارده وهو لو ما يحبك ويحبني ما طلب ان ولدك يحمل اسمه وساعدني ابر فيه بحياته ودي افرحه لو بسم الله عليه يجيه شي ابتندم ليش مانفذت طلبه واذا ماسميت عليه وهو عايش وش الفايده واناانشا الله بسمي عليه ساعدني ابر فيه جعل عيالك يبرون فيك صدقيني يمكن يرفض اول مره بس مع المحاولات الهاديه بيوافق انشا الله

أختي الغالية .. التسمية حق للأب شرعا .. وكلامك سليم انه هو اللي المفروض يسميهم كلهم ..

تدرين ليه؟ لأن الولد بيكون اسمه فلان بن فلان (اللي هو الأب طبعا) فمن حقه تماما يرفض انك تسمينه وهذا أمر ما عليه أي غبار..

خصوصا انك قلتي ..ابسميه فلان.. يعني كأن الشيء هذا من حقك انتي مو من حق ابوه ...

عموما الحين انتي راضي زوجك .. وبعدين في أوقات ثانية لمحي من بعيد .. وتعالي بأساليب أكثر سياسة ومرونة ..:27:

وأعتذر ان كنت قسوت في كلامي ولكن والله من حرصي على عدم كبر المشكلة بينك وبين زوجك ..

الله يصلح ما بينكم ويقر أعينكم بصلاح ذريتكم

هلا أختي
بصراحة طريقتك مع زوجك خطأ( أعذريني ) المفروض جيتيه بأسلوب حلو الرجال مايجون بالقوة لو حاولتي معه بالطيب وحاولتي تقنعينه يمكن يوافق ..
بعدين الرجال إذا مافي راسه يسمي ماراح يسمي أنا لما جبت ولد أبو زوجي عارض نسمي عليه قلت لزوجي بما أن أبوك مايبينا نسمي عليه ليه مانسمي على أبوي والله ماوافق مع أن أسم أبوي حلو بس ماحط في راسه يسمي وسمينا ولدي لا على أبوه ولا على أبوي ..بس عشان رضاه ولا لوكنت أصريت يسمي على أبوي كان صار الي ماصار الحمدالله , لا وياليتني مقتنعه بأسم ولدي هو حلو بس في العايلة مرررررررة كثير ...
الله يعينا على هالرجال حبيبتي حاولي تراضينة وتعترفين بخطأك عليه وبعدين إذا حملتي حاولي مرة ثانية يمكن يوافق ...