معي وحده بالعمل احسها حاقرتني

السلام عليكم
خواتي انا من النوع الحساس جدا وهادية ماحب كثرة الصداقات لكن الحمدلله اتعامل مع زميلات العمل باحترام واجامل واسلم بغض النظر عن عمق الصداقة لان سبحان الله الكلمة الطيبة صدقه وتبسمك في وجه اخيك صدقه سواءا احبها ولاعاديه عندي
المهم انا نقلت لدوام من ثلاث سنوات ووحده معي بالغرفة بالبداية ماكنت احس شي بعده تقريبا على السنة الماضية صارت كانها تلقت انتباهي وبضرب لكم امثلة
مرة جالسين على طاولة القهوة دخلت انا وثنتين وجلسنا رحبت بالثنتين وهمشتني سكت
مره ثانية كانت حالسه بجنبي وانكب من عندي شاهي على الارض قالت وهي تشاور امسحيه
يعني ميخالف امسحه بس وين احترامي اسلوبها كان سيءبس ارضيه المكتب ينكب عليها اشياءوعادي فيه عامله تجي تمسح بنهاية الدوام وعلى اقل الاحوال لو شفت زميلتي انكب منها شي هي تتصرف موب لازم اعلق
وترى على فكره هي تشوف انها من القديمات وهي الي تقرر وتحط وتشيل وتتأمر
ومره عاد هذا اصعبهم كان عندي اوراق فيها البيانات وكل شي بس نسيت ارقمهم لاني انشغلت بشي اهم وترى الترقيم هامشي موب الجميع يسويه ورحت للبيت وهي استلمت الاوراق بعدي تقاجات تراسلني ان المسئوله منهاره وتبكي لاني مارقمت الاوراق وكبرت الموضوع انا ياناس تروعت لاني قلت ورطه اذا الاوراق مافيها بيانات وعلى اعصابي لمده ساعة تقريبا بعدها اتصلت على المسئوله قلت يافلانه وش ياربيه قالت ابد رصدنا وخلصناوترد علي وهي مبسوطة والحمدلله
انا هنا انهرت بالصياح لانها حسستني اني ورطتهم وخلاص ان الشغل خرب
بعدها اكيد بلغتها هذي بالي صار قامت ترسل لي رسائل اعتذار ورديت قلت ابد ماحصل شي طبعا هذا كان نهاية الترم
الحين وشلون اتجاهلها واتجاهل استفزازها لاحول ولاقوة الا بالله لاتقولون طنشيها ولا تهمك اجباري انتي حرمة كبيرة وتحقرك كذا ليه وانت ماتذكرين انه بينكم شي نهائي
لاتقولون غيرة ماازيد عليها بشي انا انسانة متواضعة الحمدلله