الله يجعلها امطار رحمة يارب
اهديلكـــــم الكيكة القميلة
اتمنى تعجبكم
ميزة الكيكة انها سهلة وماتنفش كثير
شفتوو كيف ارتفاعها مو مرة مرنفوخة لانو الخليط كميتة قليلة
وحطيتها في الصينية الوسط
اما اللي حابة تسويها في الصينية الصغيرة (احس شكلها يخرب)
المهم نبدا بالمقادير:
كوب ونصف من الدقيق
ملعقه كبيره من البيكنج باورد
نصف ملعقه صغيره من الملح
ملعقه صغيره من القرفه
فنجان قهوة من اللوز المطحون
نصف كوب سكر
نصف كوب مازولااو اصبع زبدة بحرارة الغرفة
2 بيض + فانليا
نصف كوب حليب سائل
الطريقة:
أول شي نخلط الزبده او السمن + السكر لين نوصل الى خليط هش وخفيف
نحط بيضه ونخفق بعدها نحط البيضه الثانيه ونخفق أخر شيء نحط الفانليا
أخر شيء نضيف القرفة
بعدين نضيف اللوز ونخلط ثم الحليب ونخلط
ثم الدقيق المنخول مع البكنج باودر
تدريجيا مع اخفاض سرعة الالة
ندهن الصينية بزبدة ونرش عليها سكر بني
بس لاتكثرو لانو اذا كثر السكر يبعد الخليط عن الصينية
ويخلي شكل الكيكة وحش>>تورطت ماعرفت اوصف:22:
نقطع التمر انصاف ونرصه في الصينية
وكمان عين الجمل نكسر باليد
بعد الفاصل نكـــــمل ياحبيباتي
راح يكون الخليط ثقيل نوع ما
مو مشكلة نوزعه بالراحة لما يغطي الصينية كلها
يدخل بالفرن " درجه الحراره + المده " تختلف من فرن الى أخر
أنا أخليه لمده نصف ساعه على درجه 160 لين يصير السطح لونه ذهبي وأختبر نضجه بالعود الخشبي
أول ما أطلعه أخليه دقيقه بعد كذا أقلبه على صحن التقديم
وهذا شكـله
بنات شفتو البقعة البيضة اللي في الكيك
لانو هنا كثرت من السكر
عشان كذا اقولكم لاتكثروا:)
في امـــــــان الله وحفظه
:26::26: