مع الاسف موضوع تكلمتوا فيه كثيرررر كثيرررر

السلام عليكم

بدخل في الموضوع على طول واتمنى عزيزاتي ما تزعلون من كلامي لاني والله من زمان ودي اقوله

وهو موضوع بنات الثمامه الله يرحمهم ويغفر لهم ويجعل قبورهم روضة من رياض الجنه
ويصبر اهلهم ويعوضهم خير ان شاء الله

اكيد كلنا حزنا عليهم واحنا ما نعرفهم لاكن لاحظت كثرة المواضيع عنهم وخاصة بمنتدانا وكلها تتكلم عن اللي تكلموا فيهم ومن هذا القبيل

وانا عن نفسي والله ما شفت احد ابد ذكرهم بشي مو زين مع العلم اني كثيرة الاطلاع على النت

وحتى لو فرضنا ان احد قال شي خلاص يا اخوات ماله داعي نقعد نكتب ونقول وندعي عشان نثبت براءتهم ومن هالكلام اللي كثير انكتب
بالعكس انتو كذا ما تخدمونهم ولا تخدمون اهلهم بالعكس انتو كذا تنشرون السالفه من ولا شي
ولو تلاحظون كثير يدخلون ويقولون وش قصتهم؟؟ من كثر ما سمعوا من تهويل

الرسول عليه افضل الصلاة والسلام هجوه كثير من كفار قريش ولكن ما وصلنا من هالهجاء شي ليه؟؟؟؟؟
لان الصحابه رضوان الله عليهم لم يتداولوها ولم يدافعوا ويتكلموا فكان مصير هذا الهجاء الفناء وقتله في مهده

فلنقتدي بالصحابه رضوان الله عليهم في هذا الشي
والبنات اصبحوا في رحمة الله تعالى
وياما اسر كثيره انفجعت بفواجع اعظم مثل اسره قبل كم يوم فقدت 4 من بناتها في حادث واسرة اخرى 7 من افرادها
الله يرحم جميع موتى المسلمين ويرحمنا جميعا
واتمنى قبول كلامي بصدر رحب
ولكم شكري