مع الباقيات الصالحات .... يابنات هنا الرقيه وشرح مفصل لكل اسألتكم .. تفضلوا

السلام عليكم ورحمة الله وبركاته
انا سبق وكتبت موضوع عن الباقيات الصالحات ..
وكثير بنات طلبوا مني الجدول والرقيه .. وانا راح اكتبها اليوم لكم بأذن الله لكن يابنات بشرط الالتزام بالجدول ولو لسنه كامله اصلا راح تذوقين الراحه وماتبغين تفارقينها ..
اول حاجه انا قلتلكم اني استغفر بالمئات وكنت انوي كل ما أجي استغفر او اذكر الله ان أجر هذا الاستغفار والاذكار لجميع موتى المسلمين يابنات راح تكسبين ملايين الحسنات باستغفار واحد بس تخيلوا يعني بتستغفرين مائه مرة او تسبحين مائة مره كم راح تاخذين من الاجور لانك نورتي قبور موتى المسلمين اجمعين بأمر الله وقدرته .. يعني مع كل ذكر واستغفار او تسبيح انوي انها لجميع موتى المسلمين ..ثاني شي الدعاء اذا جيتي تدعين ادعي لك ولبنات المسلمين اجمعين مثلا بتدعين ان ربي يرزقك الزوج الصالح ادعي للبنات اللي مثلك او ذريه صالحه ادعي للبنات اللي مثلك والله يابنات اني اعطيت ادعيتي هذي لوحده من صاحباتي ساكنة بقريه وحالتها مع اهلها حاله كانوا شديدين معها واخذتها مع الاستغفار دقت علي وبشرتني بشبكتها وتزوجت وسافرت الرياض في ارقى احيائها والله يابنات ماكذبت عليكم بكلمة ووداها زوجها شهر العسل ل دبي واللحين هي اللي ماسكة زمام امور حياتها بدال الحاله اللي كانت عليها عند اهلها بدل الله حالها من حال الى حال .. تخيلوا كيف اللي يحسن الظن بالله ويثق بقدرة الله العظيمه

بعد صلاة الفجر
تقرأين اذكار مابعد الصلاه
سبحان الله وبحمده مائة مره
استغفرالله واتوب اليه مائتين مره
اللهم صلي على محمد وعلى اله وصحبه اجمعين مائه مره
لااله الاانت سبحانك اني كنت من الظالمين مائة مره ويابنات اي ذكر تحبين تكررينه كرريه مائه مره كمان .. وافضل شي تاخذين مسبحه او خاتم تسبيح علشان ماتضيعين واخر شي بعد هالاذكار كلها الرقيه الشرعيه يعني تقرأين سورة الفاتحه سبع مرات وآية الكرسي مره وحده واواخر سورة البقرة مرة وحده واذا تبين تزيدين عليها مثل المعوذات ثلاث مرات هذي الرقيه ارقي نفسك بها بعد الفجر والمغرب واذاتبين زيادة مره ثالثه بعد الضهر ونفس اللي سويتوه بصلاة الفجر صلحوه بكل الصلوات
وبأقولكم انا وش سويت اول مااكتشفت اني محسودة رحت اخذت كتيب صغير جدا رائع اسمه ارقي نفسك واهلك بنفسك في نفس الكتاب مقسم ثلاث اقسام رقيه مصغره رقية متوسطة رقيه مطوله وانتي بكيفك وش تختارين انا اخترت الرقيه المتوسطه اخذتها وقريتها مع سورة البقرة على علبة كبيرة ماء وعلبة زيت زيتون يعني فتحت اغطيتها وحطيتها قدامي وجلست اقرا ولما خلصت قمت نفثت فيها الثنتين ثلاث مرات في كل علبه صرت قبل لانام امسح جسمي بزيت الزيتون وانام واذا جيت اشرب مويه اخذت شوي من المويه المقري فيها وكملت المويه من الماء الباقي اهم شي ان البركة طرحتها في الكوب ولو شربه صغيره ان شاءالله انكم فهمتوا عليه ... بنات لاتقولون ياحسرة على اية راح يحسدوني او من هذا القبيل .. ترى الناس اللي ماتخاف الله تحسد حتى الميت في قبره .. واخر شي قيام الليل لازمممممم تقومون الليل ولو بركعه تدعين فيها وتبكين وتطلبين الله وربي ماراح يخيب املك وقيام الليل من الساعه 12بالليل الى ماقبل الفجر يابنات مايحتاج اقولكم اجر وفضل قيام الليل كلكم عارفينه وعارفين ان اللي يقوم الليل يظهر من بيته نور يصل الى السماء ويعرفون الملائكة ان بهذا البيت من يقوم الليل وغيرها كثيرا طبعا في قيام الليل راح ندعي بالادعية اللي راح اكتبها لكم بموضوع لوحده من دون شرح لاني شرحت لكم كل شي بهالموضوع يارب اني كتبت كل كلممة في هدا الموضوع من بال من كتم علما الجمه الله بلجام من نار ويارب اجعله صدقة لكل ميت وحي من المسلمين وفرج به هم كل مهموم ياحي ياقيوم امييييييين
بنات ادعولي مو تقرأون وتستفيدون وتنسوني وكمان مو شرط تردون ادعولي بظهر الغيب الله يرزقكم مثل ماتتمنون واكثر يارب واهم شي حسن الظن بالله لاتنسوووووووون هالنقطة وكمان عدم اليأس والرسائل الايجابيه عاد مايحتاج اذكركم بها وصلي اللهم على سيدنا محمد وعلى اله وصحبه اجمعين
..........