مع السلامه ريجيم > اهلا بنظام العشا والنتايج مبهره ( تجربتي )

بسم الله الرحمن الرحيم

ماشاء الله ولاحول ولاقوة الابالله > ارجوكم بنات اذكرو الله من منطلق حبي لكم اي شي يصير معي وينفعني اجي ركض واقولكم وللاسف مرتين صارت معي بعد ماقول تجاربي يثبت وزني ويعيي ينزل كم اسبوع فرجاء اذكرو الله


المهم بنات تجربتي من موضوع الاخت لو يسألوني الله يفتحلها ابواب رحمته وين ماتروح وخلاصته انك تاكلين اللي تبين > بس باعتدال خلال النهار بس تجي الساعه 5 عصرا خلاص ستوب مافي اكل يعني حذف العشا

المهم انا جربت نظامها هذا والحمدلله نقصت كيلوين ونص خلال 3 ايام ماشاء الله تبارك الله فعجزت اصبر وجيت لكم ركض ابيكم تستفيدون مثلي ومابي منكم الا الدعاء لي بالنقل والذريه الصالحه
وطريقتي صارمه شوي مانصحكم فيها لكن لاني توي طالعه من مجموعة ريجيمات كنت حريصه جدا اخاف يزيد وزني وكان اكثر غذائي من البروتين لان جسمي درقي الخلاصه جدولي كان كالتالي
الفطور كوب برتقال طازج بدون سكر او بيضيتين مسلوقتين

الغدا كنت اتبع طريقة الاخت ام عزيزان الله يجزاها خير وهي انك تخصصين لك صحن صغير وتحطين لك من كل صنف كم ملعقه وبس تاكلين من هذا الصحن > سالفة انك تاكلين من الصحون الكبار هذي اللي كنها صحن دوار انسيها مادهورنا الا هالصحون تاكلين وانتي ماتدرين المهم كنت املي نص الصحن سلطه والباقي اخذ من اكل البيت مثلا اذا غدانا رز اخذ صدر دجاجه مشوي و4 ملاعق رز بس واذا غدانا صواني اخذ من الصينيه قطعه قد نص الكف بس واكل
المفروض اني اتعشى او اكل شي خفيف ع العصر بس لاني صايبني فوبيا الميزان كنت اكتفي بغداي
يعني انتم خليكم اعقل مني ع العصر كذا اشربو عصيرات او زبادي خالي الدسم او اي وجبه خفيفه واعتبروها عشا
بعد كذا لاصارت الساعه 5 خلاص انسي الاكل اذا جعتي اشربي مويه او صلحلي لك دفايه زنجبيل وينسون وبردقوش ينظم الهرمونات وتنحف وبكذا تسدين جوعك

والحمدلله كل ماصحى الصبح اوزن القى نفسي نازله كيلو او نص كيلو والعقبى لكم بالمسرات :32: