مع السلامه يا صديقتي وكلي ندم !!

بسم الله الرحمن الرحيم
حبيباتي كلكم بنات عالم حواء والله اني احبكم مرا مرا انا كنت مجرد زائره للمنتدى وكنت حريصه اني اقراء مواضيعكم وتعرفت عليكم من خلال كتاباتكم وردودكم وكنتو كلكم كلكم اكثر من رائعات وبعدها قررت اكون وحده منكم وفيكم :26:
موضوعي الي حابه اتكلم فيه هو تقريبا يخصنا كلنا بدون استثناء من فينا ماعندها صديقه تعتبرها اكثر من اخت اكيد كلنا,, سبحان الله اي انسان يحتاج للعلاقه هذي
لانها من أسمى العلاقات الانسانيه حيث يلتقي الشخصان ويتحابان في الله مع انه لايربطهم غير هذا الاسم ( الصــــــدااااااقه) , لكن بخاطري شي وانا ما احب اني اطرحه كموضوع شخصي لان اتوقع الكثيرات مننا مروا بنفس هالموقف او مواقف مشابهه ,
الشي الي ابي احكي عنه هو صديقتي !! او الي كانت صديقتي ..انسانه جمعتني فيها مقاعد الجامعه من اول شهر دخلت فيه للجامعه حسيت انها تفهمني وافهمها بغض النظر انا من وين وهي من وين عمري مافكرت بالفوارق الاجتماعيه لا من حيث العائله او المستوى المادي او نظرت انها اقل مني والعياذ بالله ولاني ماعندي اخوات اعتبرتها اختي الي ما جابتها امي مرت السنين 4 سنوات كنت اتغاضى عن عدم ردها على مكالمتي فجاءه وبدون اسباب ليومين او اكثر او عن تصرفاتها الغير مبرره الي كانت تصدمني بس ما اعطي لنفسي مجال للتفكير وكنت مؤمنه بالمثل ( الي يعاتب رفيقه على غلطه خلاه الزمان بلا رفيق) صحيح ولا اظلمها كانت لها مواقف جيده معي صحيح كنت انتقدها بتصرفات غريبه زي انها تذل نفسها لقريبها واهله سنوات طويله لمجرد انها تبغى تتزوجه طمعا بثروته لكن كنت المح عشان انصحها اوصل الي في بالي وواجبي تجاهها واسكت من منطلق كلن عقله براسه ويعرف خلاصه وهي حره بحياتها الشخصيه ...الاهم في الموضوع الان هو ان صديقتي هذي تزوجت الشخص نفسه وفرحت لها من اعماقي من الملكه الى يوم الزواج الي كنت من المغرب الى وقت الزفه معها !! ,,وبعد زواجها نستــني نست كل شي ماتتصل ولا تسال ولا ادري عن حياتها انقطعت عني شهرين ورجعت تقول تعتذر وقبلت عذرها ورجعت انقطعت ولا عاد سألت عنها احسها كانت تملي وقت فراغها معي وقت معي وكانت تمثل لاني اكتشفت هالشي من صديقه مشتركه بيننا ولمحت لي ان صديقتي كانت تغار مني وتقول للناس اني ادرس بمعهد واني مو بالجامعه وان الحمدلله باقي سنه واتخرج من الجامعه وتاكدت ان هالكلام صح طيب وشلون اربع سنوات تمثل ؟؟ طيب مو عيب تسوي هالشي بانسانه وقفت معها وللمعلوميه اني لي صديقات كثير واخلاقهم عاليه لكن فضلتها عليهم وهم اللي بقوا وهي الي راحت مع اني صديقتها الوحيده لانها انسانه غير اجتماعيه بصراحه كلي ندم على وقتي الي ضيعته معها وعلى مراعاتي لنفسيتها الي اكتشفت انها مريضه وعلى اخلاصي في صداقتها وهي ماتعرف ان الانسان يروح ومايبقى الا عطر ذكرياته واخلاقه والان انا اعتبرها نسيا" منسيا وصفحه وطويتها من حياتي......وداعا" الى من كانت اختي وصديقتي
اسفه على الاطاله وسامحوووني