مع الفيشل ولا ضده ؟؟؟

بنات بغيت أعرف أرائكم بالنسبة للفيشل ،،انا اسوي فيشل تقريبا كل شهر مره ، بس ما اشوف اي فرق واضح بالنسبة للبشره :44: و احاول اغير الصالون من فتره للثانيه ، بس اللي يغيظ و يقهر ان كل وحده اسوي عندها تسأل " ايش نوع المنتجات اللي تستخدميها لتنظيف بشرتك ؟" و طبعا يكون باين في وجها القرف اللي معناه ان هذي المنتجات خرطي ولا منها فايده ، وان الحل السحري في منتجات صالونهم :mad:
وكله كوووم و الألم كوم !! طحت عند وحده يا بنات تمسك وجهي وتبدا تطلع فيه حرتها من كل شي مر عليها في حياتها ، والله اطلع من تحت ايدينها كني طماطه حمرا وطالعه من عش دبابير :icon33: ، لدرجة اني صرت ما اسوي الفيشل الا فالليل تجنبا للاحراج و الفشله
فهل فيه فايده من عمل الفيشل في الصالون ولا الموضوع بس راحه نفسيه وارضاء ضمير الحس الجمالي الداخلي ؟؟