مع او ضد المراه التي تصبر وتقول عشان عيالي خاصه اذا كانوا بنات

والله على حسب
اذا هو عنيف او معتدي او مهمل طبيعي ماتتركت بناتها معه لانهم راح يضيعون
وما تتطلق الا وهي ضامنه خروجهم معها
واذا تقدر تاخذهم معها دامه مهمل بوضعك ما اظن يرفض
وتقدرين تثبتين اهماله وعدم مسؤوليته وقيامه بواجباته
الاولاد مثل البنات
الضياع مايعرف ولد وبنت
وبنفس الوقت البيت اللي فيه مشاكل واهمال تلاقين ضياع البنات اشد فيه من لو كانت امهم مطلقه
والهيئة تثبت ذلك
للمعلوميه
كثير امهات مضحيات سووا كذا وآخرتها قالوا لها محد طلبك ليه لانهم عانوا من صبرها وسلبيتها وبنظرهم لو تطلقت كان رحمت نفسها ورحمتهم
دخلي اخو او عمك اواي احد
بلاش تتفاعلين مع مشكلتك بزعل وحوار دامه مايفيد معه
نفسيتك ونفسيتهم واعمارهم هي اللي تحكم
جربي تدخلين احد حكيم بينكم او شيخ بعد
وان ماوصلتي لحل
ولقيتي الطلاق هو الحل الاخير بعد ما حاولتي بكل الوسائل اطلبي من احد يتدخل لضمان اخذ بناتك معك دامه مو داري عنكم
وربي يعينك ويفرجها عليك ويسخره لك ويهدي بنياتك ويرزقك برهم وصلاحهم

اعرفي اسباب تقصيره وغيري من تعاملك مع الامر
فرج الله همك وازاح كربك ورزقك من حيث لاتحتسبين
دمتم بود

بصراحه انا مع ان الوحده تصبر لو عندها عيال بالذات لو كانوا اهلها مايتحملون عيالها ويقولون نـار زوجي ولا جنة اهلي بس لو كانت موظفه وتقدر تعيل نفسها واولادها احسن لها تتطلق والافضل تاخذ اولادها ماتخليهم لزوجة اب ماترحم

اكيد لازم تصبرين عشانهم عالاقل ابوهم ستر وغطا لكم اصبري واحتسبي يمكن ربي يغير حال زوجك للاحسن الله قادر على كل شي لاتفقدين الامل ودايم صلي اخر الليل واستغفري واطلبي من الله رضاه وانه يحسن حال زوجك
دعواتك لي بالذريه الصالحه
الله يحفظ لك بناتك من كل شر ومكروه ويبعد عنهم عيال الحرام

انا ممعك لاتفرطين ببناتك بكره تندمين لو تطلقتي ماتظمنين ابوهم مايخذهم منك واذا اخذهم يتربون مع مرة ابو تقسى عليهم ماتدرين وشبتسوي فبناتك ولا مع عمات مايرحمونهن و ان اخطئن يتشمتون فيهم محد بيحنهم مثلك وينصحهم ويوجهم مثل امهم احتسبي الاجر واستري على ابو بناتك اهم شي انتبهي تسبينه قدامهن ولا تقللين من شانه عند الناس الناس ماينفعونك ولاشي بس يحتقرون بناتك وتبتل نفسيات بناتك مزعزعه ويحسن بالنقص وماعندهم ثقه بانفسهم مهما كان هذا ابوهم استري عليه وخصوصا الحريم لايدرن عن شي الجأي لله الي ماتنام عينه الرب الكريم ادعيليل ونهار وتحري اوقات الاجابه وكثري استغفار وبقولك شي مههم لاتقولين لبناتك انا صابره علشانكم ولا تفشينهن عند احد انا صبرت علشانكم صدقيني ماينسون ويحقدون عليك مهما طال الزمن تبقى بالنفس هالاشياء اتكلم لك عن تجربه والله يوفقك

لو طلبت الطلاق اكيد بياخذهم لانهم بنات مو اولاد وكثير فيه فرق بين البنات والاولاد الولد اذا كبر يستغني بنفسه ويقدر يجيك باي وقت واي شئ يبيه يسويه ام البنات مساكين كل ما كبروا زاد ضعفهم ولا راح يقدروا يجو عندي بس ادعوا لي ربي يعوضني بالجنه حياتي راااحت معاه ولم اشعر بالسعاده وااثرت البقاء لاجل عيون بناتي البريئه وربي يعوضني وارتجي ثوابي من الله سقطت دموعي