مع الوظيفة
انا موظفة ولله الحمد ، صحيح ضغط خصوصا مع الاولاد
وبدايت كل شي صعب لكن تتسهل باْذن الله ، المرأة تحتاج الوظيفة اكثر من الرجل بكره تتزوج واحد ماديته مو كافية او تتطلق وترجع لاهلها اقل شي عندها دخل تصرف فيه على نفسها وأولادها
كانوا يقولون لي أقاربي اذا جاء تعيينك مو لازم تروحين اعتذري اهم شي معك شهادة في اي وقت تبغين تقدمين قدمي وكنت ارفض أقول لهم مو كل مرة يكون فيه احتياج لتخصصي لذلك اذا اغتنم الفرصة ولو جاء أوافق ولو في اخر الدنيا وباذن الله يجي النقل
زميلاتي للان ما تعينوا الله يرزقهم لنا اكثر من عشر سنوات من تخرجنا عشان يطلبون التعيين في نفس مكان إقامتهم
الدنيا يبغى لها صبر والله يرزق كل محتاج ولا يضيع تعبه وسهره

الي تقدر توفق بين دورها كام وزوجه وبين وضيفتها تتوظف الله يوفقها والي ماتقدر وتحس انها بتقصر باولادها وتربيتهم فتجلس يعنی بالمختصر كل وحده ونفسيتها وطاقتها وقدرتها بتحمل
ولوانی اشوف الوظيفه شي مهم جدا والدنيا تطوره غسالة تمااتيك وغسالة مواعين واشيا جدا تسهل شغل البيت وتنظم الوحده وقتها وبتتيسر امورها وتكون ام ناجحه وزوجه كمان ناجحه وموظفه مبدعه الله يوفقنا ويوفقكم ..

مع الوظيفه

مع الوظيفة وبشدة
انا الحمدلله موظفة قريب من بيتي وصح فيها شوية تعب بس افضل من البقاء في البيت والملل وكل شي بالتنظيم بيمشي
والله يرزق الوظيفة لكل متمنية يا رب

مع الوظيفه
انا موظفه وعندي عيال وجايبه شغاله
اهم شي الوحده تجيب شغاله من بدري
انا جبت شغاله لما جبت ولدي الثاني وبعد ماهو استقدام تبهذلت