انا ضد الفكرة واقول رأيي من واقع تجربة فاشلة لأن زوجوني اهلي وعمري ١٥سنة الله يسامحهم وماخذو شوري بس خبروني بالملكة وانا رفضت بس اقنعني ابوي يقول بيت لك وتسافرين ووافقت وانا مادري وين ربي حاطني مأعرف ولاشي وامي ابدا مانصحتني ولاعلمتني اي شي حتى وقت الدورة مادرت عني ولا اعرف عن الزواج شي هذا كله قبل عشر سنين وماكان عندنا نت ولاقنوات ولا عرف لبس اومكياج اوطبخ ولاحتى حمل وولادة ونفاس المهم اني تطلقت بعد ثلاث سنوات بعد انجابي لبنت وولد ولاكن عوضني الله بعد معاناتي خير ولله الحمد ولاكن كل ماتذكر حياتي مع طليقي اشوف وش قد كنت جاهلة وطفلة بريئة وكان طليقي رجل ناضج وواعي وامه شديدة ولاصبر علي كان بيتزوج لان ماكان عندي مسؤوليه ابدا حتى معامله مأعرف ولاطبخ ولا لبس ولاشي ابداعلشان كذا تطلقت وتركته ماقدرت اتحمل يتزوج علي وانا مالي ثلاث سنين


لا إله إلا أنت سبحانك أني كنتُ من الظالمين

مع وضد

ضد البنت تجبر على الزواج وهي رافضه


مع
لانه فيه بنات هن بنفسهن يبن العرس اللي بهاللعمر تلاحق ذا وذا بعيونها وتتصفح امور اللي على وجهه زواج ماتتصفحه
تعالوا شوفوهم بالاستقرام اذا دخلتي على حساب مشهور تقول كلام فجيعه له ادخلي على حسابها تلقينها بنت من بنات ال16 و 17
واذا وحده قالتلها عيب ياشطوره ايش هالكلام قالت مالك دخل

البنات اللي بالطعشات من النوع اللي هابلها العرس ذي لازم تزوج خوف عليها من الفتنه

وحده من اقاربي بعمر 16 او اصغر كانت برمضان ترسل برودكاستات اغلبها عيب وامور زوجيها
اخر مره ارسلت رسمه لزوج وزوجته ترسل للكل
قلتلها ياطيبه وانا متزوجه استحي من هالامور ارسلها
عيييييب
قالت ععععاااااادي نتثقف ونتعلم

وشذا
لذا انا مع وضد

ضـــد

قبل كنت مع بس الحين ضد وضد وضد 
اول شي ممكن اتنازل واقول مع اذا ماراح تحمل الا فوق 22 سنه 
زواج بدون اطفال العمر 22 مع زوج صالح وطيب ومافيه مثله راح اكون مع
اما تجيك بنت 17 تتزوج وبعد 9 شهور معها بيبي
ومن يصير عمرها 22 سنه وهي ام الطفلين تراكض ورى هذا وتلاحق هذا ولاتقدر تسهر مع صاحباتها ولا تعيش حياتها بس شغل تربيه في ذا الاطفال 
تعب صراحه وحرام
عندكم انا اتعب كثير مع بناتي وودي لو ماتزوجت وعمري 20 وتأخرت 3 سنوات على الاقل 
وكملت جامعتي وبعدها تزوجت
بس هبل فيني العرس كنت احسبه سفر ومطاعم وفله واسواق وزوج قايل فيني هه 
بس انصدمت بالمسؤليه رغم ان زوجي يعتبر من الرجال اللي دايم برى البيت ومعطيني الحريه الكل شي متى ماتبين روحي الاهلك ومتى ماتبين اطلعي سوق مع خواتك ومتى ماتبين اطبخي او نجيب من برى 
يعني مريحني وكنت عايشه بساعده قبل انجب اطفال ومثل حياة البنوته انام متى ماابغي واصحى متى ماابغى 
وزوجي ايزي ماعنده مشكله طول يومه برى بالاستراحه وبس يرجع ينام ومامنعني من شي 
بس بعد ماجبت البنوتات
ااااه تعب تعب تعب 
شيطونات اروح اهلي يزعجون اروح صديقتي يزعجون اروح السوق يراكضون وانا وراهم اراكض
بطلع زواج ممنوع يجلسون عند الخدامه زوجي مانعني منع تام احطهم عند خدامه معاي 24 ساعه وين ما اروح 
حسيت بالمسؤليه حسيت خلاص زمن اول بح راح 
مافيه طلعات مع الصديقات للمطاعم ولا سهرات مع القرايب كل شي بح 
وانعزلت عن الزيارات الرسميه عشان بناتي يحرجوني ومافيه احد بالغالب احطهم عنده اللي 
نصيحه الاي بنوته بتتزوج الانجاب لاتستعجلي عليه اصبري الحد ماتحسي انك مستعده تعطي كل طاقتك وجهدك الطفلك وتحسين شبعتي من عزوبيتك  لان هذا طفل يبيله مسؤليه 

ضد طبعا
وغلط الي تقارن بين زمن اول وزماننا اول البنت تنضج من عمر 14 سنه بس الحين النضج 25 ويالله الخراج هذا غير متطلبات الحياه الزوجيه الي اختلفت من زمنهم لزمننا