وأنا معكم..يداً بيد ..

لنصنع من أحلامنا واقعاً..


أسأل الله أن يبارك في خطواتنا ويحقق أحلامنا .. وينصر أمتنا بسواعدنا..

دمتم بخير..

فكرتك حلوه ومميزه
الله يعطيك الف عافية

حلو بنات فكرة حلوة ...

بنات أهم شي الطموح والثقة بالنفس ...

كل وحدة ببالها هدف تبي تسويه أو توصل له لازم تشتغل وتحاول مو بس تنطر أحد يجيها ..
بنات لازم تستغلون كل شي بحياتكم كل شي ....
بدال القعدة لا شغل ولا مشغلة ولا الحش والسوالف اللي مالها داعي ، لاء لازم نستثمر كل دقيقة بوقتنا ..

والله بنات هذي سياسة أنا ماشية فيها ... عشان ما أقصر بأي جانب البيت الأهل الدراسة العلاقات الإجتماعية ربي وكل شي حتى نفسي لها حق علي ...

يعني فترة الصيف هذي شنو مخططين تسون ؟ أعتقد الأغلبية ما سألوا نفسهم هالسؤال ..
ولا حتى فكروا فيه ... تبي تنام وتاكل وتشرب وتقعد على التلفزيون طول الصيف ...
لا بنات جذي أنتي الخسرانة الأولى والأخيرة ... حاولوا تجربون كل شي وتتعلمون كل شي .. دخلوا نوادي أو معاهد تعلموا لغة ولا مهارة ولا حتى رياضة جديدة ..
وبعدين حطي في بالج فكرة أو هدف لمستقبلج ... شنو بتسوين مشروع تجاري أو حتى عائلي وراعي فوق كل شي ربج وادعي .. أبد لا تنشغلين عن دينج بدنياج لاء أرضي كل الأطراف ...
لا تقصرين بأي جانب حاولي تدورين على الكمال بكل شي ...
وأخلصي نيتج لله وبعدين وفري فلوسج ولا تسرفين على الفاضي .. هذا أهم شي
والله يبنات هذا راح يسعدج بالدنيا وبالأخرة كل الشغل اللي تسوينه هذا خير لج بالدنيا والآخرة خلي هذا ببالج كل شغلة تسوينه احتسبي فيه الأجر ...
أدري أني طولت بس والله بنات أني أبي لكم الأحسن أنتوا مثل خواتي وحبيت أنصح لعل وعسى تصحى وحدة وتطالع وتهتم بنفسها ...

أنا ما أبي أطول أكثر من جذي بس حبيت أشجع الكل بأنهم يستثمرون وقتهم ويستفيدون منه بمشروع حتى لو بسيط الأهم مصلحتج حتى لو بشي بسيط ...
والرزق من الله فأرضيه وأطلبي توفيقه ...

والله يوفقكم كلكم إن شالله ويحقق مبتغاكم ويطرح فيكم البركة بكل خطوة تخطونها إن شالله والله إن الدعوة من قلبي ...

مرحبا كيفكم يابنات اولا شكرا على مروركم ثانيا كلامك حمسنى وبعث في الامل من جديد
وبسم الله نبداء نحقق احلامنا بس في البدايه ابغى وعد وعهد منكن اننا نكون يد وحده مانبخل على بعض ونساعد بعض على قد ما نقدر وكان الله فى عون العبد ما دام العبد فى عون اخيه
حلمى انى اكون مليونيره يعنى مش ملبونيره كثير يعنى لو مليون ريال والا اثنين مليون جدا كفايه وووووعلشان احقق هذا الحلم بات افكر كيف ممكن انى اصل لهدفى بل رغم بانى غير
موظفه وليس لدى اى دخل اخر ففكرت انى اعمل مشروع صغير فى البدايه فعملت جمعيه تقريبا ب15000 ريال يعنى السهم ب1000 ريال لكل شهر انا ومعى اثنتين من الاخوات يبغن يصيرن مثلى مليونيرات وعملنا مؤسسه اسمينها العنود لبيع دهن العود وجهزنها علشان تكون كل معاملاتنا رسميه 100 بال100 والفكره هى العمل على بيع 100000 وحده
ب200 ريال عن كل وحده يعنى يطلع المبلغ 20000000 ريال عشرون مليون ريال بعد خصم جميع المصاريف من قيمة البضاعه والتوصيل ونسبه للتوزيع يصبح صافى لنا من العشرون مليون تقريبا خمسة ملايين وثلاثه مائته الف ريال لى انا والمشتركات اربعه ملايين ولمن تحب تساعدنا فى المشروع وتححق معنا حلمنا مليون وثلاث مائة الف ريال
وانا صادقه فيما اقول والله الشاهد ان هذا المشروع لو نفذ وبيعت ال100000 وحده راح تكون الارباح مثل ماذكرت هذا حلمي ابغى احققه ويمكن يكون حلم الكثيرات مثلى والله يوفقنا ودمتم

بنات الله يوفقكم وتتحقق أحلامكم وأحلامي انا كمان