مع حملة تطويل الشعر .. بس خلطاتي غير ( تعالوا شوفوا|)

السلام عليكم يا بنات

بصراحة انا جد شدني موضوع تطويل الشعر و خصوصا ان احنا بعطلة و الواحد فاضي حق هالشغلات .. |( و انا ودي انافس زينب العسكري ) :)
المهم

خلطاتي والله مع اني ما اخذت فترة طويلة فيها بس احس شعري .. صحي بمعنى الكلمة

انا شعري مش ناعم و لا خشن بس تطعيجات و كثر الصبغات احس خلته جاف و مقصف و تعبان

بس هالكلام الحين صار غير ... بعد هذي الخلطات الساحرة

الي فادني المنتدى جد فيه الله لا يحرمنه منه و لا منكم


ادخل في الموضوع

انا اغسل شعري يوم ايه و يوم لا

1- افوح ماي مع حلبة و ثوم اقصه صغير ( لاني مااحب ريحت الحلبة تكون لاصقة بشعري ,, فالماي يخفف الريحة و الفايدة موجودة طبعا )
و احطة في ابرة ( مالت الاطفال الي نعطيهم الدواء فيه )
و احطة في فروق راسي و الباقي اوزعة بشعري


و على فكرة كل الخلاطات الي باقولها اخليها في شعري لين اليوم الثاني ..

2-مايونيز + ليمون + زيوت الي موجودة

3- بصل افوحه في الماي احطه بالمايه لان الريحة تخف وايد و استخدمة مع المايونيز و البيض و اي الزيوت الموجودة اخلطها و احطه في شعري

4- ماي الباميا .. و مفعولها بعد تمااااام تفرد الشعر و تعطي لمعة

5- ماي الترمس ( عاد هذا جد عجيب .. لانه بعد يفرد الشعر و يعطي لمعة و يطول الشعر بشكل رائع)

6-زبدة + مايونيز + ماي بصل

7- سدر + زبدة + ليمونة

بس جد احس شعري مش شعري ..

و على فكرة حتى رحت حق كافيرا و قالت لي شعرج ما شاء الله صايرة حبته حلوة .. و صحيه
و قالت لي شنو السر .. و عطيتها وصفاتي :)

طبعا الكمية .. تعتمد على كثرة الشعر و طولة ..

و في زيت اسمه زيت النخاع المركز احسة يرطب الشعر و يغذيه وايد .... اخذته من العطار


و حياكم و كل ما ازيد الخلطات بعطيكم انشالله علم فيها