ابداع كملي😍

بسم الله الرحمن الرحيم

رجعتلكم مرة تانيةة :p
ودحين حاتكلم عن الإهتمام بالمنطقة الحساسة

بس قبل كل شي ابغا أوضح حاجة حبيباتي في الاهتمام وقت الدورة الشهرية حطيتلكم خلطة ازالة الشعر
طبيعيًا وبصراحة الخلطة كنت كاتباها في جوالي اي شي اكتبو في جوالي معناها جايبتو من داية اعرفها أو من الانستقرام ومجرباها طبعا

بس جاتني الاخت جوليانا وقالت انو هادي خلطتها وانا اتأسفلها جدًا لأنو مااتزكر ادا شفت الخلطة هنا ولا من برا ف عشان اصلح خطأي هادا رابط موضوعها

http://m.forum.hawaaworld.com/showthread.php?t=4314968
واكرر اعتذاري :*

ودحين بسم الله نبدأ كيفية الاعتناء والاهتمام بالمنطقة الحساسة ..

أهم شي تسويه انك تزيلي الشعر من المنطقة دائمًا ، وكل ما تشيلي أعملي الخلطة حقت الأخت جوليانا
وبكدا ان شاءالله حتتخلصي من الشعر نهائيًا وترتااحي

اللي المنطقة عندها سمرا في كريم اسمو كينتا نصحتني فيه وحدة مغربية يبيض وينعم المنطقة

بحثتلكم عن اضرار للكريم ولقيت ناس كاتبة اضرار عنو بس كلو اشاعات
حتسألوني ايش اللي يضمنني انو اشاعات؟
اقولكم انو الدكاترة في المغرب يصرفوه للبيبهات يعني يعمل وظايف كيناكونب اللي يتباع عندنا بس كيناكونب يسود بدل ما يبيض :/

واللي المنطقة عندها مو ناعمة ترطبها دايما بالخلطة اللي اعطيتكم هيا

3 ملاعق كبيرة جلسوليد
فنجان نشا
فنجان موية ورد
ملعقة كبيرة جلسرين
ملعقة كبيرة زيت جنين القمح

المنطقة الحساسة ي بنات تحتاج عناية اكبر من كدا وفي كتير من البنات ما يهتمو بالعناية دي لأنو في فكرهم انو العناية للمتزوجات فما يبدأو يعتنو إلا لما يتزوجو أو في فترة الخطوبة وهادا غلط
انتي كأنثى لاازم تحافظي على النظافة وعلى منطقتك الحساسة اصلا يجيكي احساس بالراحة :p

في اهتمام يومي للمنطقة ايش هوا؟
1-تغسلي المنطقة الامامية والخلفية بمويا دافية كل ما قضيتي حاجتك وكل ما بذلتي جهد وعرقتي لازم تنضفيها حتى لو ما عرقتي منها.

2-استخدمي غسول للمنطقة وتلاقية في الصيدليات كل ما قضيتي حاجتك غسلي بيه .

3-حاولي انك تبعدي عن الملابس الداخلية الغير قطنية لأنها تسبب سواد للمنطقة.

4-عطري المنطقة دايما بالمسك وابتعدي عن المعطرات اللي تتباع في الاسواق للمنطقة لأنها ممكن تسبب حساسية وسواد

وبكدا خلصنا العناية بالمنطقة الحساسة ..

نجي دحين للعناية (بالمظهر الخارجي)

يتبع..

موضوع راااائع ...يسلمووو رغوده

الله يعطيك العافيه ويجزاك خيييييييييييير ياقمر


بس انا عندي ملاحظتين وسؤال


القاز مواد بتروليه اذا حطيتيها على شعرك راح تتخلل مسامات البشره وتوصل للدماغ زي الزيوت لكن الزيوت حاجات طبيعيه بس القاز لا طبعا
الملاحظه الثانيه لما تشيلي المنطقه الحساسه بالحلاوه سمعت انه تجيب دوالي في المنطقه والعياذ بالله وترهل مع طول الوقت ..


السؤال انا اشيل بالحلاوة السيقان والايادي لكن يطلع لي الشعر تحت الجلد بكثره ويطلع الشعر بسرعه وجبت حرمه تشيل ونفس الشي صار معايه وش الحل ؟؟ تقعد تقريبا اسبوعين وتطلع زي الدبابيس واحسها مزعجه يبغالي انتظر لين تطول كويس واشيلها بالحلاوه كيف اتعامل معاها ؟؟


والخلطه اللي ذكرتيها حقت البرتقال والليمون ممكن مع الحلق بالموس والا مع النتف بس ؟؟






الله يجزاك خير حبيبتي اتمننننننننى من كل قلبي تردي عليا وشكرااااااااا

موضوعكك مررررررا جميييل استمري حبيبتي وشكرا عالنصايح الجميلةة