كل الي فيك يدل على الارهاق النفسي والجسدي .. فعلاً انتي انسانه مضغوطه..
انتي مخلصه لاسرتك ، لكن هالاخلاص كم اخذ من جمالك وروحك ونفسيتك ؟ ؟!
من قالك ان الحياه واثبات الحب وراحة الضمير تأتي مع هلاك الصحه والنفسيه؟
دوري نقاط اساسيه انتي غلطانه فيها ..
اعطيك اول نقطه حتى تفهمين كلامي ..
انتي ضامنه ان عيالك وزوجك يقدرونك و بيقدرونك مستقبلاً حق التقدير جزاءاً لك على قتل روحك الان من اجلهم !!!
اتوقع لا ، بالعكس احتمال تنصدمين من دلعهم وانكارهم واعتمادهم الكلي عليك !
اتبعي اسلوب جديد لابد منه، علمي كل واحد مسؤوليته ..
انتي ام لك الطبخ وممكن الغسيل والاساسيات ..
لكن لك الرواق و الراحه والاهم ( تعودينهم يقدرون راحتك ويخجلون يتعبونك)!
اتبعي الشده مو الصراخ ، اتبعي الصرامه وقوانين الكلام وتنمية احترامك ، احضنيهم وحني عليهم .. ( هذي الامومه ، تكون بالسيطره على الوضع وليس بإهمال النفس وقتل روحك ) !
انتي حالياً قايمه بواجباتك لكن النتيجه غياب رونقك وراحتك النفسيه والجسديه .
حتى زوجك كرجل ماله الا الصورة النهائيه ، اذا لقي وحده تعبانه طايحه او طول الوقت خاشه راسها بأمور بيتها وعيالها ، بتجي بباله امنيه تكون معاه وحده فايقه ورايقه له ولمزاجه .. فانتبهي .
قسمي المسؤوليات .. ابسطها المواعيين .. عيالك خصصي لعيالك قفازات اهم شي يغسلون مواعينهم الي بكل وقت اذا بهم نشاط..
الصاله ، غرفهم تكون مرتبه وتفتشينها تفتيش دوري .. ربيهم على الخوف منك هالشي مهم ..
موفقه والله يقويك .
كل الي فيك يدل على الارهاق النفسي والجسدي .. فعلاً انتي انسانه مضغوطه..
انتي مخلصه لاسرتك ، لكن...
اهم شي تنظمين عملية التنفس اثناء التمارين ( كأنك تسوين يوقا )
وراح تعجبك النتيجة .
ليش العصبية او اهمال الزوج !
نظمي وقتك وسهلي مهامك بفرض العمل على عيالك وزوجك بعد بشكل سلس.
راجعي ردودي بهالموضوع كتبت افكار .