اول شئ سؤال اختباري...وش رايكم بعنوان الموضوع مسويه فيها سجع :hahaha:
من فترة لفترة يزورونا حريم اخواني اوجاراتنا او احد من الجماعة ويستغربون من نظافة المجلس لان مجالسهم بفترة بسيطة تندمر وتتوسخ ويضطرون يغيرونها واحيان يشترون جديد لان في نظرهم صعب جدا غسله وتنظيفه
ومره زارتنا وحده من الجماعه جلسنا وقعدنا نسولف وجاء طاري الاثاث قالت يام فلان هذا مجلسكم اللي العام؟ قالت امي ايه ..قالت ماشاء الله تقل جديد شكل عيالكم هادين مايوسخون <عاد انواع المجانين عندنا
المهم ياحرمه انتي وياها بعطيكم طريقة غسل المجلس في اقل من (30) دقيقة وانتي خالصة ...
هذي طريقة الوالدة ربي يحفظها
تجيبين سطل تعبينه مويه حااره معليش حاره لاتخافين لانك بتلبسين قلاقز نايلون يعني ماتحسين
وتحطين نص كوب كلوركس
كمفورت او اي مطهر تحبين ريحته
تايد او اي مسحوق غسيل
عطر مفارش او عطور زيتيه حطي اي عطر عندك كم نقطة
وتحتاجين منشفه كبيره مبلوله بمويه حااااااره
وتحتاجين بعد (اسنفج+كيس البصل الاحمر)<بعلمكم ليش
شوفوا يابنات انا اول كنت افرك المجلس باسنفنج وسلك مواعين بعدين حسيت ان المجلس خرب من سلك المواعين بدأ يتنتف وتطلع الاسلاك وجربت كيس البصل الاحمر وطلع مضبوووووط ولايأثر على القماش وفنفس الوقت ينظظظف
بعدين ابدئي الفرك خلي رغوه شوي وافركي وكل ماخلصتي من قطعه امسحي بضمير بالمنشفه
وهكزآ
وبعدين بخري الغرفه وهو مبلول وخليه شوي الين تصبغ فيه الريحه بعدين افتحي الدرايش وشغلي المروحه ولاتخافين بينشف بسرعة
وانعمي بمجلس نظيف ومعطر
دعواتكم,,,