الاسبوع الاخير من رمضان اعاده الله علينا وعليكم بالصحة والعافيه حصلتلنا هجمة برد وانفلونزا شديده
مافي بيت الا فيه احد وجعان ومزكم وسبحان هذه المرة قوويه
طبعا الادوية المعروفه في هذه الحاله المسكن والمضاد الحيوي احسها زي قلتها
يعني لازم تقعدي كم يوم تعبانه ومكسره الا ان يعطي الدوا مفعوله
هذا غير الآثار الجانبيه للادوية
عن نفسي لم اخذ دواا ابداا للانفلونزا هذه المرة واعتمدت على الاشياء الطبيعيه
اولها طبعا الزنجبيل والليمون
قشرت الزنجبيل وقطعته والليمون كمان قطعته زي ماهوا بقشره وحطتيهم في تلاجة القهوة وصبيتهم عليهم مويه حاره وتركتهم شويا لين نقعوا وبديت اشرب منهم
والحمد لله خفف عني كثيييير
لكن العجيييييييب
والي من اول مرة سبحان الله ازال الاعراض تمام
خصوصا خصوصا الاحتقان والزكمه والتهاب الحلق
والي اختي اول ما جربته قامت من رقدتها الي رقدتها يومين مكسره وتعبانه
شئ غريب اول مرة اسمع عنه وقلت رح اجربه واشوف
هوااا
العرقسوس الحار
هذا العرقسوس للي ما يعرفه
وكدا بيكون شكله
استخدمت عرقسوس رمزي هوا تقريبا افضل نوع (لما تشتريه تاكدي من تاريخ الانتهاء لانه اوقات يحصل غش)
تاخدي مقدار ملعقه او اقل على حسب كميه المويا وتصبي عليها مويا حاره وتشربيها بالعافيه لما تدفى
سبحان الله تشعرين فورا انه نفسك ارتاح والاحتقان والزكمة بدأت تخف تدرجيا
افضل شئ جربته للآن
والحمد لله بفضل الله نجيت من الهجمه الشديده ومارقدت طريحة الفراش زي باقي العيله الله يحميهم ويحفظهم
وابوي كانت بدأت الاعراض تظهر لكن سبحان الله لما شرب العرقسوس اختفت وابوي الله يحفظه لما تبدا معه يتعب مرررة
لكن الحمد لله الي هدااني لهذا العلاج
ربي يحفظ الجميع من شر المرض
ملحوظه مهمه
اصحاب الضغط المرتفع ينتبهوا من الاكثار منه او يسالوا دكتورهم لانه يرفع الضغط
هذه تجاربي وبنتظار تجاربكم