مغامراتي تجاربي بالصور حياكن الله

بسم الله الرحمن الرحيم
السلام عليكم ورحمة الله وبركاته
اخواتي لقد استفدت منكن الشيئ الكثير لايعد ولايحصى اسال الله كما جمعنا في هذا المنتدى الرائع ان
يجمعني واياكن في جنات النعيم واشكر المشرفات المبدعات على مايقمن به من عمل لارضائنا ولجعل هذا المنتدى متميزا ومميزا عن غيره من المنتديات النسائية الاخرى


نبدأ على بركة الله
اول شي بقولكم المناسبة كنت غايبة عن الدوام والظهر ادور في البيت ادور لي شغل احوس فيه
والله وافتح الدرج عندي بغرفتي والقى ذيك الحوسة شباصات ساعات مناكير قراطيس علك
ووو0000000الخ
يضيق صدري لازم القى حل لهدرج هو درج سحاب واذكر اني قريت مرة فكرة وحدة من الاخوات الله يجزيها الجنة
انك تقصصين كرتون وترتبين اغراضك يصير زي القواطع اوالمربعات وانا ماني راعية دوران بالسوق عشان القى هالقواطع البلاستيكية الجاهزة لاني شفت هنا يبيعوها بس مادورت بالسوق
المهم اذا حصلتوها قولولي عشان الدروج الثانية ههه
اتمنى انكم فهمتو
الصور توضح ان شاء الله
(( بنات اكتب لكم وهي تمطر يالله ريحت المطر منعشة يالله ان تجعلها مطر خير وبركة وسقيا رحمة
امطرنا بفضل الله ورحمته اللهم حوالينا ولا علينا))

نرجع لكلامنا
المهم اني سويت هالفكرة ونجحت نجاحا باهرا ترى انا مبسوطة
لاني اول مرة ادبر زي كذا والله واشتغل انا وبنيتي هي تحوس وانااحوس عاد الي يسمعني يحسب بنتي
كبيرة ترى عمرها ثلاث يعني في قمة الشقاوة في ذاك اليوم هواش انا وياها
ماما قص قص يعني مقص وانااقعدي الله يصلحك
لين دخل علينا ابوها وشاف الحوسة وضحك يقول زين استفدتي شي من غيابك ترى حتى هو جازله شغلي
عاد انتم بجد لاتضحكون علي خصوصا ان فيه مبدعات هنا
ماينقارن شغلهم بالي اناسويته
سامحوني بنات كثرت الهرج
بس والله لحالي وحبيت اسولف عليكم
وخصوصا ان ازارير اللاب توب حقي نصها طايحة هههه وفيه زرين رافعات ضغطي النننننننون والمسطرة تورمت ايدي منهن
يالله هذي الصور
حياكن

هذي الحوسة قبل



ادري اني تاخرت بس اعذروني
اكمل
هذي الكرتونة من لعبة بنتي


صورة اخرى بعد التقطيع



وبعد الحرب والضرب طلعت كذا