خواتي الامهات ...
انا ولدي عمره سنه و8 شهور تقريبا شيطوووووووون وشرررررررري الله يحفظه لنا ويهديه ..
من قام يطالع توم اند جيري زااااد في الشطانه والمغامرات :30: .. يعني كان قبل شيطون اشويه بس اللحين لا كل شئ يشوفهم يسوونه الظاهر يطبق ويايي ؟؟
اعطيكم مثال .. :
من كم يوم بغى ينتحر ؟؟؟
انا اخليه عند امي الصبح لما اروح الشغل ؟؟ وبيت ابوي طابقين والطابق الثالث شقة وفي السطح درج حديد يوصل لفوق الشقة عشان خزانات الماي ..
عاد البطل ايش سوا ؟؟؟ وياه اخوي الصغير عمره سنتين و8 شهور ( معلمه الاول في الشطانه والعفرته ) فتح له السطح وراح وياه على الدرج ذاك فهم ما ركب فوق السطح البطل بتاعنا سوا روحه عنتر وركب فوق الدرج وعلىىىىىىىى سطح الشقة يبغي يرمي نفسه .. لولا اختي شافته من تحت ويركضون له شالوه ؟؟
بعد مرة ...
كان رايح مع ابوه بيت صديقه وعندهم في حوشهم نافورة طبعا هو لازم يسوي روحه بطل يقوم ينط لج فوقها ويشلخ خشمه وشفايفه .. والدم ...........ناااااااازل
بعد مرة ..
ما اوتعيت الا مغرق لي المطبخ كله ماااااااااااااي وصار بحيرة وقاعد يتزلج عليه :29: لما تزحلق وتزحلقت انا فوقه لما تكسرت عظامتي ؟
بعد مرة ..
ما اشوفه الا قاعد يقروض ببوزه اقول له شتسوي يقولي نم نم ما طالعت الا عنده حبوب دوائي ماخذه من شنطتي اللي كانت فوق الكبت تعلق لها وأخذ الحبوب منها وأكله .. نصصصصصصصصصصصصصه بس الحمد لله رجعه كله ..
بعد مرااااااااااااااات ومرااااااااااااااااااات ..
ما اشوفه الا فاتح الدريشه مالت الصالة واحنا شقتنا في الطابق الثالث وما فيها حواجز يبغي ينط منها .. قلبي بغى يوقف ..
بعد ما اشوفه الا يأكل الوسخ وكللللللللل شئ جدامه لا يخلي اثاث لا يخلي قراطيس لا يخلي كريمات ولا البودرة المعطرة ما اشوفه الا صاير ابيض يقعد يأكلها ويدحن روحه فيها ؟؟ هذا غير اذا عطيته اكل ما الاقي الا الدنيا معفوسه فوق تحت من لاكل في كل مكان على الجدران على السجاد على الاثاث كلللللللللللللل مكان ؟؟ وجان زين يأكل او يرضى أنا أأكله ؟؟
وأكره شئ اذا بغيت اطلع وياه يدحن روحه في الارض ما يرضى امشيه عشان يمشي بروحه قصدي يركض ويتجول على كيفه .. كم مرة أصير اركض وراه مثل المجنونه في الشارع بعبايتي الطايرة في الهوا وهو ولا همممممممه ابدا مستااااااااانس يحسبني العب معه ؟؟
والكثيييييييييييييييييييييييييييييير الكثييييييييييييييييييييييير بس هذا اللي اذكره ؟
والله يا بناااااات مليت :( وانا انزهق عليه واحاتيه ما اخليه دقيقة الا اشوفه مسوي لي بلوة ولا مشكلة صرت ما اامن له واخليه يلعب بروحه .. بس والله تعبت .. حتى الطلعة ما اقدر اطلع منه ؟؟ ومسبب لي قلق مع زوجي لانه يقعد يحاسبني عليه .؟
يا ريت تعطوني تجاربكم مع ابنائكم وبناتكم .. وش سويتون وياهم .. واشلون روضتونهم ؟؟ خخخخخخخ .. وحلو كل وحده تذكر مغامرات ولدها او بنتها
وسامحونا على الهدره ..
